ନୂଆଦିଲ୍ଲୀ ୨୨।୨: ଅବସର ପ୍ରାପ୍ତ ଆଇଏଏସ୍ ଅଫିସର ଭାସ୍କର ଖୁଲବେ ଓ ଅମରଜିତ ସିହ୍ନାଙ୍କୁ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ନିଯୁକ୍ତ କରାଯାଇଛି। କ୍ୟାବିନେଟ୍ ନିଯୁକ୍ତି ସମିତି (ଏସିସି) ଶନିବାର ଏହି ସୂଚନା  ଦେଇଛନ୍ତି। ସେମାନଙ୍କ ଏହି ନିଯୁକ୍ତିକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ)ଙ୍କ ସ୍ୱୀକୃତି ମଧ୍ୟ ମିଳିଛି। ଖୁଲବେ ଓ ସିହ୍ନା ଉଭୟ ୧୯୮୩ ବ୍ୟାଚ୍‌ର ଆଇଏଏସ୍ ଅଫିସର। ତେବେ ଖୁଲବେ ପଶ୍ଚିମବଙ୍ଗ କ୍ୟାଡରର ହୋଇଥିବା ବେଳେ ସିହ୍ନା ବିହାରର କ୍ୟାଡରର ଥିଲେ।

{"id":227807,"width":575,"height":764,"sizeSlug":"large"}

ସିହ୍ନା ଗତବର୍ଷ ଗ୍ରାମୀଣ ବିକାଶ ସଚିବ ଭାବେ ଚାକିରୀରୁ ଅବସର ଗ୍ରହଣ କରିଥିବା ବେଳେ ଖୁଲବେ ପୂର୍ବରୁ ପିଏମଓରେ କାର୍ଯ୍ୟ କରିସାରିଛନ୍ତି। ସେମାନଙ୍କର ଏହା କଣ୍ଟ୍ରାକ୍ଚୁଆଲ ନିଯୁକ୍ତି ବୋଲି ସୂଚନା ମିଳିଥିବା ବେଳେ ୨ ବର୍ଷ ଲାଗି ସେମାନେ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ଭାବେ କାର୍ଯ୍ୟ କରିବେ। ସେହିପରି ସରକାରଙ୍କ ସଚିବ ସ୍ତରର ପୁନର୍ନିଯୁକ୍ତି ଅଧିକାରୀଙ୍କ ନିମନ୍ତେ ଲାଗୁ ହେଉଥିବା ନିୟମ ଓ ସର୍ତ୍ତ ସେମାନଙ୍କ ପାଇଁ ମଧ୍ୟ ଲାଗୁ ହେବ।

{"id":227809,"width":576,"height":397,"sizeSlug":"large"}

ତେବେ ଭାସ୍କର ଖୁଲବେଙ୍କୁ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ନିଯୁକ୍ତ କରାଯାଇଛି। ଖୁଲବେ ଅଲମୋଡାର ଭିକିଆସେଣ ଓ ନୈନିତାଲର ମୂଳ ବାସିନ୍ଦା। ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ପରାମର୍ଶଦାତା ହେବାରେ ଖୁଲବେ ସମ୍ପୃକ୍ତ କ୍ଷେତ୍ରର ପ୍ରଥମ ଅଧିକାରୀ । ଅତୀତରେ ଖୁଲବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଜ୍ୟୋତି ବସୁଙ୍କ ଅତ୍ୟନ୍ତ ନିକଟତମ ଅଧିକାରୀ ଥିଲେ ବୋଲି ମଧ୍ୟ ଜଣାପଡିଛି।