ମୁମ୍ଵାଇ ୧୫।୧୨: ନିର୍ଦ୍ଦେଶକ ଏସ୍ ରାଜାମୌଲିଙ୍କ ଫିଲ୍ମ RRR ଏବେବି ଚାଲୁଛି। ଏହା ଦେଶ ହିଁ ନୁହେଁ ବିଦେଶରେ ବି ଧମାଲ କରୁଛି। ଫିଲ୍ମ ଦେଶରେ ବିପୁଳ ଅର୍ଥ ସହ ପ୍ରଶଂସା ଅର୍ଜନ କରିଥିଲା। ଏହି ସମୟରେ, ଫିଲ୍ମ ଅନ୍ୟ ଏକ ଆନ୍ତର୍ଜାତୀୟ ସ୍ତରରେ ପହଞ୍ଚିଛି । ରାମ ଚରଣ ଓ ଜୁନିୟର ଏନଟିଆରଙ୍କ ଫିଲ୍ମ କ୍ରିଟିକ୍ସ ଚଏସ୍ ଆୱାର୍ଡ ୨୦୨୩ରେ ଏକ ନୁହେଁ କି ଦୁଇ ବରଂ ୫ଟି ନୋମିନେସନ ହୋଇଛି। ଯାହା ବହୁତ ଖୁସିର କଥା।
କହିବାକୁ ଗଲେ RRR ନୋମିନେସନ ହୋଇଥିବା ପାଞ୍ଚଟି ଆୱାର୍ଡ ହେଉଛି ବେଷ୍ଟ ଫିଲ୍ମ, ବେଷ୍ଟ ଡାଇରେକ୍ଟର, ବେଷ୍ଟ ଫରେନ୍ ଫିଲ୍ମ, ବେଷ୍ଟ ଫରେନ୍ ଲାଙ୍ଗୁଏଜ୍ ଫିଲ୍ମ, ବେଷ୍ଟ ଭିଜୁଆଲ୍ ଇଫେକ୍ଟସ୍ ଏବଂ ବେଷ୍ଟ ସଙ୍ଗ (ନାଟୁ ନାଟୁ) । ସମାଲୋଚକମାନଙ୍କ ପସନ୍ଦ ପୁରସ୍କାରର ଅଫିସିଆଲ୍ ୱେବସାଇଟରେ ଏହି ନାମାଙ୍କନଗୁଡିକ ଆନୁଷ୍ଠାନିକ ଭାବରେ ଘୋଷଣା କରାଯାଇଥିଲା । ଏଥି ସହିତ, RRR ନିର୍ମାତାମାନେ ଟ୍ୱିଟରରେ ଏଥିପାଇଁ ଧନ୍ୟବାଦ କରିଛନ୍ତି। ଏହି ଆୱାର୍ଡ ଜାନୁଆରୀ ୧୫ରେ ଲସ୍ ଆଞ୍ଜେଲସରେ ଅନୁଷ୍ଠିତ ହେବ ।
ଉଲ୍ଲେଖନୀୟ କଥା ହେଉଛି, ବ୍ଲକ୍ବବଷ୍ଟର ଚଳଚ୍ଚିତ୍ର RRR IMDB ର ବହୁ ଲୋକପ୍ରିୟ ଭାରତୀୟ ଚଳଚ୍ଚିତ୍ର ତାଲିକାରେ ଏକ ନମ୍ବର ହୋଇପାରିଛି । ଆଇଏମ୍ଡିବି ୨୦୨୨ର ସବୁଠାରୁ ଲୋକପ୍ରିୟ ଭାରତୀୟ ଚଳଚ୍ଚିତ୍ରର ତାଲିକା ପ୍ରକାଶ କରିଛି । ଏହି ତାଲିକାରେ ଆରଆରଆର ଏକ ନମ୍ବରରେ ହୋଇଛି। ଦୁଇ ନମ୍ବରରେ କାଶ୍ମୀର ଫାଇଲ୍, ତୃତୀୟ ନମ୍ବରରେ କେଜିଏଫ୍:୨ ।