ରାଉରକେଲା ୯।୨: ରାଉରକେଲାରୁ ଅପହୃତ ନାବାଳିକା ଦିଲ୍ଲୀରୁ ଉଦ୍ଧାର । ଦିଲ୍ଲୀ ଗୁରଗାଓଁରୁ ନାବାଳିକାଙ୍କୁ ଉଦ୍ଧାର କରିଛି ପ୍ଲାଣ୍ଟସାଇଟ୍ ଥାନା ପୋଲିସ । ସଂପୃକ୍ତି ଅଭିଯୋଗରେ ମହିଳା ଦଲାଲକୁ ପୋଲିସ ଗିରଫ କରିଛି ।
ସୂଚନାଯୋଗ୍ୟ ଯେ, ରାଉରକେଲା ଗୋପବନ୍ଧୁପାଲିରୁ ଗତ ଜାନୁଆରୀ ମାସରେ ନାବାଳିକା ଅପହରଣ ନେଇ ଅଭିଯୋଗ ହୋଇଥିଲା । ତାଙ୍କୁ ଦିଲ୍ଲୀକୁ ଚାଲାଣ କରାଯାଇଥିବା ନେଇ ପୋଲିସ ନିକଟରେ ଅଭିଯୋଗ କରାଯାଇଥିଲା । ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ କରିଥିଲା ପ୍ଲାଣ୍ଟସାଇଟ୍ ଥାନା ପୋଲିସ । ପୋଲିସର ଏକ ଟିମ୍ ବିଭିନ୍ନ ସ୍ଥାନରେ ନାବାଳିକାଙ୍କୁ ଖୋଜାଖୋଜି କରିଥିଲା ।
ତେବେ ଦିଲ୍ଲୀ ଗୁରଗାଓଁରୁ ନାବାଳିକାଙ୍କୁ ଉଦ୍ଧାର କରାଯାଇଛି । ମାଜିଷ୍ଟ୍ରେଟଙ୍କ ସମ୍ମୁଖରେ ଉଦ୍ଧାର ନାବାଳିକାଙ୍କର ବୟାନ ରେକର୍ଡ କରାଯାଇଛି । ବୟାନ ରେକର୍ଡ କରାଯିବା ପରେ ସିଡବ୍ଲୁସିକୁ ନାବାଳିକାଙ୍କୁ ହସ୍ତାନ୍ତର କରିଛି ପୋଲିସ । ତେବେ ଘଟଣାରେ ସଂପୃକ୍ତ ମହିଳା ଦଲାଲ ସୁନୀତା ସିଂକୁ ଗିରଫ କରିଛି ପୋଲିସ । ଘଟଣାରେ ଅଧିକ ତଦନ୍ତ ଜାରି ରଖିଛି ପୋଲିସ ।