ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଉରକେଲା ଶିଶୁ ଚୋରି ରାକେଟ୍ ଲିଙ୍କ୍ କେନ୍ଦ୍ରାପଡାରେ, ମେଦିନୀପୁରରୁ ଉଦ୍ଧାର ହେବା ପରେ ଫିଟିଲା ଗୁମର

18/12/2020 at 7:29 PM

ରାଉରକେଲା ୧୮।୧୨: ରାଉରକେଲାରେ ଶିଶୁ ଚୋରି ରାକେଟ୍ ଆକ୍ଟିଭ୍ । ରାଉରକେଲା ଷ୍ଟେସନ ଅଞ୍ଚଳରୁ ନିଖୋଜ ୬ ବର୍ଷର ଶିଶୁ ପଶ୍ଚିମବଙ୍ଗର ମେଦିନୀପୁରରୁ ଉଦ୍ଧାର ହେବା ପରେ ଫିଟିଛି ଗୁମର । ରାଉରକେଲା ଶିଶୁ ଚୋରି ରାକେଟ୍‌ର ଲିଙ୍କ୍ ମିଳିଛି କେନ୍ଦ୍ରାପଡାରୁ ।

ରାଉରକେଲା ଷ୍ଟେସନ ଅଞ୍ଚଳରେ ଭିକ୍ଷାବୃତି କରି ଚଳୁଥିବା ବେଦବ୍ୟାସ ଅଚଂଳର ଶଙ୍କର ସିଂଙ୍କ ୬ବର୍ଷର ପୁଅ ଅଚାନକ ଗତ ୪ ତାରିଖରେ ନିଖୋଜ ହୋଇ ଯାଇଥିଲା । ୧୨ ତାରିଖରେ ପ୍ଳାଂଟ ସାଇଡ଼ ଥାନାରେ ଅଭିଯୋଗ ପରେ ଆରମ୍ଭ ହୋଇଥିଲା ଛାନଭିନ୍ନ । ଇନଫରମର୍ଙ୍କ ଠାରୁ ମିଳିଥିଲା ସୂଚନା । ପୋଲିସ ଟ୍ରାକ କରିଥିଲା ଶିଶୁ ଚୋରି ରାକେଟ୍ । କେନ୍ଦ୍ରପଡ଼। ଅଚଂଳର ସନ୍ତୋଷିନୀ ନାଏକଙ୍କ ଘରେ ପହଞ୍ଚି ପୋଲିସ ତାଙ୍କ ମେଦିନୀପୁର ଠିକଣା ପାଇଥିଲା । ଏହାପରେ  ମେଦିନୀପୁରରୁ ସନ୍ତୋଷିନୀକୁ ଉଠାଇବା ପରେ ଶିଶୁ ଚୋରି ନେଟୱର୍କର ଖିଅ ମିଳିଛି ।

୪ ତାରିଖ ପୁର୍ବ।ହ୍ନରେ ଶିଶୁ ପୁତ୍ରକୁ ଚକୋଲେଟ ସହ ମିଠାର ପ୍ରଲୋଭନ ଦେଖାଇ ଅପରହଣ କରା ଯାଇଥିଲା। ସଂଧ୍ୟାରେ ନାଇଟକୋଚ୍ ବସରେ ରାଉରକେଲାରୁ କଟକ ପରେ କଟକରୁ  ଟ୍ରେନ ଯୋଗେ ପଶ୍ଚିମବଙ୍ଗ ମେଦିନୀପୁର ନିଆଯାଇଥିଲା ।  ତାକୁ ଦେଢ଼ ଲକ୍ଷ ଟଙ୍କାରେ ବିକ୍ରି ପାଇଁ ଯୋଜନା ଚାଲିଥିଲା । ମେଦିନୀପୁର ପୋଲିସର ସହାୟତାରେ ଶିଶୁ ପୁତ୍ରକୁ ସୁରକ୍ଷିତ ଉଦ୍ଧାର କରିବା ସହ ଦୁଇ ଜଣ ମହିଳାଙ୍କୁ ଗିରଫ କରାଯାଇଥିଲା । ଏହା ପରେ ପରେ ପୋଲିସ କବଜାକୁ ଆସିଥିଲେ ଆଉ ତିନି ମହିଳାଙ୍କ ସହ ଜଣେ ପୁରୁଷ ।

ଗିରଫ ୪ ଅଭିଯୁକ୍ତ ପୂର୍ବରୁ ଶିଶୁ ଚାଲାଣ ମାମଲାରେ ଗିରଫ ହୋଇ ଜାମିନରେ ଆସିଛନ୍ତି । ପୁଣି ଥରେ ଶିଶୁ ଚୋରି ମାମଲା ସାମ୍ନାକୁ ଆସିବା, ପୋଲିସ ପାଇଁ ଚାଲେଞ୍ଜ ପାଲଟିଛି ।

   Related Posts