ରାଉରକେଲା ଷ୍ଟିଲ ପ୍ଲାଣ୍ଟ ବର୍ଜ୍ୟ ନାଳରେ ନିଖୋଜ ଯୁବକଙ୍କୁ ଉଦ୍ଧାର ପାଇଁ ଚାଲିଛି ଉଦ୍ୟମ । ଉଦିତ୍ ନଗର ଥାନା ପୋଲିସ ସହ ଅଗ୍ନିଶମ ବିଭାଗ ଓ ଓଡ୍ରାଫ ଟିମ୍ ମିଳିତ ଭାବେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଗତ ଜୁନ୍ ୩ତାରିଖରେ ଶୀତଳପଡାର ୫ଜଣ ଯୁବକ ଆରଏସପିର ୯ ନମ୍ବର ଆଉଟଫଲ ଡ୍ରେନ ଦେଇ ଚୋରୀ ଉଦ୍ଦେଶ୍ୟରେ ପ୍ଲାଣ୍ଟ ଭିତରେ ପଶିଥିଲେ । କିନ୍ତୁ ନିର୍ଦ୍ଧାରିତ ସମୟ ଭିତରେ ବାହାରକୁ ନଆସିବାରୁ ପରିବାର ପକ୍ଷରୁ ନିଖୋଜ ମାମଲା ରୁଜୁ ହୋଇଛି । ଗୋଟିଏ ପରିବାର ପକ୍ଷରୁ ଉଦିତନଗର ଥାନାରେ ଗତକାଲି ମାମଲା ରୁଜୁ ହୋଇଛି । କିନ୍ତୁ ୫ଜଣ ଯୁବକ ନିଖୋଜ ଥିବା ସନ୍ଦେହ କରାଯାଉଛି । ଥାନାରେ ଏତଲା ପରେ ଉଦିନଗର ଓ ଟାଙ୍ଗପାଲି ପୋଲିସ ମିଳିତ ଭାବେ ଷ୍ଟିଲ ଫ୍ଲାଣ୍ଟ ଭିତରକୁ ଯାଇ ତଦନ୍ତ କରିଛନ୍ତି । ଆଜି ଅଗ୍ନିଶମ ବିଭାଗ ଓ ଓଡ୍ରାଫ ଟିମ୍ ଉଦ୍ଧାର କାର୍ଯ୍ୟରେ ସାମିଲ୍ ହୋଇଛନ୍ତି ।