ନୂଆଦିଲ୍ଲୀ ,୨୫/୦୩ : ପଶ୍ଚିମବଙ୍ଗ ବୀରଭୂମ ହିଂସା ଘଟଣାକୁ ନେଇ ଜୋର ଧରିଛି ରାଜନୀତି । ବିଜେପି, କମ୍ୟୁନିଷ୍ଟ, କଂଗ୍ରେସ ସହ ଅନ୍ୟ ବିରୋଧୀ ଦଳ ଗୁଡିକ ମମତା ସରକାରଙ୍କୁ କାଠଗଡାରେ ଠିଆ କରିଛନ୍ତି । ଅନ୍ୟପଟେ ମମତା ବାନାର୍ଜୀଙ୍କୁ ମଧ୍ୟ କୋଲକାତା ହାଇକୋର୍ଟରୁ ଝଟକା ଲାଗିଛି। ବୀରଭୂମ ହିଂସା ଘଟଣାର ସିବିଆଇକୁ ହସ୍ତାନ୍ତର କରିବାକୁ କୋଲକାତା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ରାଜ୍ୟ ସରକାରଙ୍କ ଦ୍ୱାରା ଗଠିତ ଏସଆଇଟିର ତଦନ୍ତକୁ ବନ୍ଦ କରାଯାଇଛି।
ଅନ୍ୟପଟେ ବୀରଭୂମ ହିଂସା ଘଟଣାକୁ ସଂସଦରେ ଆରମ୍ଭ ହୋଇଛି ବିତର୍କ । ଶୁକ୍ରବାର ସଂସଦରେ ଏହି ପ୍ରସଙ୍ଗକୁ ଉଠାଇଥିଲେ ବିଜେପି ସାଂସଦ ରୂପା ଗାଙ୍ଗୁଲି । କୋଲକାତା ହାଇକୋର୍ଟଙ୍କ ନିର୍ଦ୍ଦେଶକୁ ସ୍ୱାଗତ କରିଛନ୍ତି । ହାଇକୋର୍ଟ ମାମଲାରେ ସ୍ୱତଃ ସଜ୍ଞାନ ନେଇ ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦେଇଥିବାରୁ ଏଥିରେ ଖୁସି ବ୍ୟକ୍ତ କରିଛନ୍ତି । ବିଜେପି ସାଂସଦ କହିଥିଲେ, ପଶ୍ଚିମବଙ୍ଗରେ ହିଂସାର ମାହୋଲ ଏବଂ ରାଜ୍ୟ ସରକାର କୌଣସି ତଦନ୍ତ ଉପରେ ଲୋକଙ୍କ ବିଶ୍ୱାସ ନାହିଁ । ଏହାସହ ଗୃହରେ ବୀରଭୂମ ହିଂସା କଥା ଉଠାଇ କାନ୍ଦି ପକାଇଥିଲେ ବିଜେପି ସାଂସଦ ରୂପା ଗାଙ୍ଗୁଲି। ଏହାସହ ଏହି ମାମଲାରେ ଦୋଷୀଙ୍କୁ କଠୋର ଦଣ୍ଡ ଦେବା ପାଇଁ କେନ୍ଦ୍ର ସରକାରଙ୍କୁ ଭାବୁକ ଅପିଲ କରିଥିଲେ ବିଜେପି ସାଂସଦ।
wp:html/wp:html#WATCH | BJP MP Roopa Ganguly broke down in Rajya Sabha over Birbhum incident, demanded President's rule in West Bengal saying, "Mass killings are happening there, people are fleeing the state... it is no more liveable..." pic.twitter.com/EKQLed8But
— ANI (@ANI) March 25, 2022
ରୂପା ଗାଙ୍ଗୁଲି ଅଭିଯୋଗ କରିଥିଲେ ପଶ୍ଚିମବଙ୍ଗରେ ଗଣତନ୍ତ୍ରର ଚତୁର୍ଥ ସ୍ତମ୍ଭର ସ୍ଥିତି ସଙ୍ଗୀନ । ପଶ୍ଚିମବଙ୍ଗରେ ଗଣମାଧ୍ୟମର ସ୍ଥିତି ସଙ୍ଗୀନ, ଲୋକେ ପଳାୟନ କରୁଛନ୍ତି। ପ୍ରଶାସନକୁ ଲୁଚୁଛନ୍ତି, କାଳେ ପୋଲିସ ଧରିବ ପଚାରିବ ଏବଂ ଟିଏମସିର ଗୁଣ୍ଡାମାନେ ହତ୍ୟା କରିବେ । ଏସବୁ ଭୟ ଭିତରେ ରହୁଛନ୍ତି ପଶ୍ଚିମବଙ୍ଗବାସୀ।