ନୂଆଦିଲ୍ଲୀ ୨୪।୦୮: ଲଗୁଜୁରୀ କାର୍ ‘ରୋଲ୍ସ-ରୋଏସ୍’ । କାର ଦୁନିଆର ବାଦଶାହ । ପାଓ୍ବାରଫୁଲ୍ ଇଞ୍ଜିନ୍ ଆଉ ଜବରଦସ୍ତ ଲୁକ୍ସ ପାଇଁ ସାରା ବିଶ୍ବରେ ଚର୍ଚ୍ଚିତ ।  ଏବେ କମ୍ପାନୀ ନିଜ ପୋର୍ଟଫୋଲିଓ ଯୋଡିଛି ଆଉ ଏକ ମଡେଲ୍ । ଯାହାର ନାଁ ହେଉଛି Rolls-Royce Drop Tail ।

ଏହା ହେଉଛି ଦୁନିଆର ସବୁଠାରୁ ଦାମୀ କାର୍ । ବର୍ତ୍ତମାନ କମ୍ପାନୀ ଏହାର ପୋର୍ଟଫୋଲିଓରେ ରୋଲ୍ସ-ରୋଏସ୍ ଡ୍ରପ୍ ଟେଲରେ ଏକ ଜବରଦସ୍ତ କାର ଅନ୍ତର୍ଭୁକ୍ତ କରିଛି ।  ଲଭ୍ ଆଉ ରହସ୍ୟର କନସେପ୍ଟକୁ ନେଇ ଏହି କାରକୁ କୁହାଯାଉଛି କାର୍‌ ଦୁନିଆର ତାଜମହଲ । 

ବ୍ରିଟିଶ୍ ଲଗଜୁରୀ କାର ନିର୍ମାତା ରୋଲ୍ସ-ରୋଏସ୍ ଡ୍ରପଟେଲ ରୋଡଷ୍ଟାର ମଡେଲ୍ ଲଞ୍ଚ କରିଛି । ଯାହା ଲା ରୋଜ୍ ନାଏର୍ ନାଁରେ ମଧ୍ୟ ଜଣାଶୁଣା । ଏହାର ଦାମ୍ ୩୦ ମିଲିୟନ୍ ଡଲାରରୁ ଅଧିକ । ଯାହା ଭାରତୀୟ ମୂଲ୍ୟରେ ପ୍ରାୟ ୨୫୦ କୋଟି ଟଙ୍କା ।

ଏହାକୁ ଦୁନିଆର ସବୁଠାରୁ ମହଙ୍ଗା କାରରେ ପରିଣତ କରିଛି । ଦାମ୍ ଦୃଷ୍ଟିରୁ ଲା ରୋଜ୍ ନୋଏର୍ ବର୍ତ୍ତମାନ ସବୁଠାରୁ ଦାମୀ କାର ରୋଲ୍ସ-ରୋଏସ୍ ବୋଟ ଟେଲ୍କୁ ପଛରେ ପକାଇଛି ।  ଯାହାର ଦାମ୍ ୨୮ ମିଲିୟନ୍ ଡଲାର ଅର୍ଥାତ୍ ୨୩୨କୋଟି ୭୩ ଲକ୍ଷ ରହିଥିଲା ।

କାରଟି ରେଡ୍ ଓ ବ୍ଲାକ୍ ଥିମ୍ରେ ଫ୍ୟାନ୍ସଙ୍କ ହୃଦୟ ଜିତିଛି । ଏହି କଲର୍ ବେଶ୍ ଲଗଜୁରୀ ଲୁକ୍ ଦେଉଛି ।  ଡ୍ରପ୍ ଟେଲ୍ ହେଉଛି ରୋଲ୍ସ-ରୋଏସ୍ ବ୍ରାଣ୍ଡର ପ୍ରଥମ ୨-ସିଟର ରୋଡଷ୍ଟର୍ । ଏହାର ଆଗ ଡିଜାଇନ୍ ବେଶ୍ ପାରମ୍ପାରିକ । ଯାହାକୁ ଦୂରରୁ ଦେଖିଲେ ଅନୁମାନ କରିପାରିବେ ଯେ ରୋଲ୍ସ-ରୋଏସ୍ ଆସୁଛି । ଯଦିଓ କାରର ଆଗ ଗ୍ରିଲରେ କମ୍ପାନୀ ସାମାନ୍ୟ ପରିବର୍ତ୍ତନ କରିଛି । ରୋଲ୍ସ-ରଏସ୍ର ଫ୍ରଣ୍ଟ ସିଧା ରହୁଥିବା ବେଳେ ଡ୍ରପ୍ ଟେଲ୍ର ଗ୍ରିଲ୍ ସାମାନ୍ୟ ବଙ୍କା ରହିଛି ।

କମ୍ପାନୀ ପ୍ରଥମ ଥର ପାଇଁ ଇସ୍ପାତ, ଆଲୁମିନିୟମ୍ ଏବଂ କାର୍ବନଫାଇବରେ ତିଆରି ହୋଇଛି ଏହାର ଚେଚିସ୍ । ଏହି କାରର ଲମ୍ବ 5.3 ମିଟର ଏବଂ ମୋଟେଇ 2.0 ମିଟର । ରୋଲ୍ସ-ରୋଏସ୍ ଡ୍ରପ୍ ଟେଲରେ କମ୍ପାନୀ ଏହାର ପାରମ୍ପାରିକ ଟ୍ୱିନ୍-ଟର୍ବୋ ଚାର୍ଜଡ୍ 6.75 ଲିଟର V12 ଇଞ୍ଜିନ୍ ବ୍ୟବହାର କରିଛି । ଯାହା ୬୦୧ ଏଚପି ଶକ୍ତି ଏବଂ 840Nm ଟର୍କ ସୃଷ୍ଟି କରେ ।

ଯଦିଓ କମ୍ପାନୀ ଏହି କାରର ପର୍ଫମାନ୍ସ ବିଷୟରେ କୌଣସି ସୂଚନା ଦେଇନାହିଁ କିନ୍ତୁ କୁହାଯାଏ କି ଏହି କାର ମାତ୍ର ୫ ସେକେଣ୍ଡରେ ୧୦୦ କିଲୋମିଟରରୁ ଅଧିକ ସ୍ପିଡ୍ରେ ଯାଇପାରିବ ।  ଏହାର ଟପ୍ ସ୍ପିଡ୍ ଘଣ୍ଟାପ୍ରତି ୨୫୦ କିଲୋମିଟର ବେଗରେ ଗତି କରିଥାଏ ।

You Can Read: