ମାଞ୍ଚେଷ୍ଟର୯|୭; ବିଶ୍ବକପରେ ଭରତର ପ୍ରଦର୍ଶନ ଏ ପର୍ଯ୍ୟନ୍ତ ଅତ୍ୟନ୍ତ ଭଲ ରହିଛି । ମାତ୍ର ଆଉ ଦୁଇଟି ପାହୁଣ୍ଡ ପରେ ଭାରତ ବିଶ୍ବକପ-୨୦୧୯ ହାତେଇବା ସହ ରେକର୍ଡ କରିବ । ଲିଗ ପର୍ଯ୍ୟାୟରେ ବେଶ ଭଲ ପ୍ରଦର୍ଶନ କରିଥିବା ଭାରତୀୟ ଦଳ ଆଜି ସେମିଫାଇନାଲରେ ମଧ୍ୟ ଭଲ ପ୍ରଦର୍ଶନ କରିଛି । ଭାରତୀୟ ବୋଲରମାନେ କିୱି ଦଳକୁ ବାନ୍ଧି ରଖିବାରେ ସକ୍ଷମ ହୋଇଛନ୍ତି । ୪୬.୧ ଓଭରରେ ମାତ୍ର ୨୧୧ରନ କରିଛି ନ୍ୟୁଜିଲାଣ୍ଡ । ହରାଇଛି ୫ଟି ୱିକେଟ । ବର୍ଷାଯୋଗୁଁ ଖେଳ ବାଧାପ୍ରାପ୍ତ ହୋଇଛି ।
ତେବେ ଆସନ୍ତା ୧୧ତାରିଖରେ ଅନୁଷ୍ଠିତ ହେବାକୁ ଥିବା ବିଶ୍ବକପ ଦ୍ବିତୀୟ ସେମିଫାଇନାଲରେ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରୁ ଯୋଉଁ ଦଳ ବିଜୟୀ ହେବ ସେହି ଦଳ ସହ ଭାରତ ଫାଇନାଲ ଖେଳିବା ପ୍ରାୟ ନିଶ୍ଚିତ ହୋଇସାରିଛି । ତେବେ ଭାରତୀୟ ଦଳକୁ ଏହି ସ୍ଥିତିରେ ପହଞ୍ଚାଇବା କ୍ଷେତ୍ରରେ ଦଳର ଉପ-ଅଧିନାୟକ ତଥା ଓପନିଂ ବ୍ୟାଟ୍ଲ ମ୍ୟାନ ରୋହିତ ଶର୍ମାଙ୍କ ବହୁତ ବଡ ଭୂମିକା ରହିଛି । ରୋହିତ ଶର୍ମା ଅତ୍ୟନ୍ତ ଆକ୍ରମଣାତ୍ମକ ବ୍ୟାଟିଂ କରି ଦଳର ସ୍ଥିତିକୁ ସବୁ ମ୍ୟାଚରେ ମଜବୁତ କରିଆସିଛନ୍ତି । ଲିଗ ପର୍ଯ୍ୟାୟରେ ଅନୁଷ୍ଠିତ ୮ଟି ମ୍ୟାଚରେ ସେ ୫ଟି ଶତକ କରିଥିବାବେଳେ ୬୦୦ରୁ ଅଧିକ ରନ ସଂଗ୍ରହ କରିଛନ୍ତି ।
ତେବେ ବିଶ୍ବକପରେ ରୋହିତଙ୍କ ଦମଦାର ପ୍ରଦର୍ଶନ ପଛରେ ଜଣଙ୍କ ପ୍ରରଣା ରହିଛି । ଏଥି ସହ ଜଣେ ମହାନ ଖେଳାଳୀଙ୍କୁ ବିଶ୍ବକପ ଉପହାର ଦେବା ପାଇଁ ରୋହିତ ଚାହାନ୍ତି ବୋଲି ରୋହିତଙ୍କ ପିଲାବେଳର କ୍ରିକେଟ କୋଚ ଦିନେଶ ଲାଡ ଗଣମାଧ୍ୟକୁ କହିଛନ୍ତି । ଦୀନେଶ କହିଛନ୍ତି ଯେ, ରୋହିତ ସମ୍ପୂର୍ଣ୍ଣ ନିଷ୍ଠାର ସହ ଖେଳୁଛନ୍ତି । ବିଶ୍ବକପ ଜିତିବାକୁ ଚାହୁଁଛନ୍ତି । ଏହି ବିଶ୍ବକପକୁ ସେ ମହାନ ଖେଳାଳୀ ମହେନ୍ଦ୍ର ସିଂ ଧୋନିଙ୍କୁ ଉପହାର ଦେବାକୁ ଚାହାନ୍ତି ବୋଲି ଦୀନେଶ କହିଛନ୍ତି । ଏହାର କାରଣ ହେଉଛି ଧୋନୀଙ୍କ ପାଇଁ ଏହା ହେଉଛି ଶେଷ ବିଶ୍ବକପ । ଏଥି ସହ ରୋହିତଙ୍କୁ ଓପନିଂ ଖେଳାଇବା ପାଇଁ ଧୋନୀ ହିଁ ଉଦ୍ୟମ କରିଥିଲେ । ଏହି ଋଣ ପରିଶୋଧ କରିବା ପାଇଁ ଧୋନୀଙ୍କୁ ବିଶ୍ବକପ ଉପହାର ଦେବାକୁ ରୋହିତ ଚାହନ୍ତି ।
