scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ହିଟ୍‌ମ୍ୟାନ୍‌ଙ୍କ ରେକର୍ଡ ବର୍ଷା, ଓପନର ଭାବେ ମାରିଛନ୍ତି ୨୮ଟି ଟନ୍‌

5/09/2023 at 2:41 PM

ମୁମ୍ବାଇ ୦୫।୦୯: ପୁଣି ଥରେ ଗର୍ଜିଛି ହିଟ୍‌ମ୍ୟାନ୍‌ଙ୍କ ବ୍ୟାଟ । ଦୀର୍ଘ ଦିନ ଧରି ଶାନ୍ତ ପଡିଥିବା ରୋହିତଙ୍କ ବ୍ୟାଟରୁ ପୁଣି ଥରେ ଦେଖିବାକୁ ମିଳିଛି ଜଲଓ୍ୱା । ଆଉ ସମାଲୋଚକଙ୍କୁ ଦେଇଛନ୍ତି କଡ଼ା ଜବାବ । ନେପାଳ ବିରୋଧରେ ସୋମବାର ଖେଳାଯାଇଥିବା ମ୍ୟାଚ୍‌ରେ ଖୁବ୍‌ ଗର୍ଜିଛି ହିଟ୍‌ମ୍ୟାନ୍‌ଙ୍କ ବ୍ୟାଟ । ଏସିଆ କପ୍‌ରେ ନେପାଳ ବିରୁଦ୍ଧ ମ୍ୟାଚ୍‌ରେ ୭୪ରନ୍‌ର ବିସ୍ଫୋରକ ଇନିଂସ ଖେଳିଥିଲେ । ଯେଉଁଥିରେ ୫ଟି ଛକା ଏବଂ ୬ଟି ଚୌକା ସାମିଲ ରହିଛି । ୧୨୫.୪୨ ଷ୍ଟ୍ରାଇକ୍‌ ରେଟ୍‌ରେ ମାତ୍ର ୫୯ଟି ବଲ୍‌ରେ ୭୪ ରନ୍‌ ହାସଲ କରିଛନ୍ତି ରୋହିତ ଶର୍ମା ।

ତେବେ ଓପନର ବ୍ୟାଟର ଭାବେ ରୋହିତ ଶର୍ମା ଅନେକ ଉପଲବ୍ଧି ହାସଲ କରିଛନ୍ତି । ୧୫୮ ଦିନିକିଆ ମ୍ୟାଚରେ ଓପନର ଭାବେ ବ୍ୟାଟିଂ କରି ବର୍ତ୍ତମାନ ଯାଏଁ ୨୮ଟି ଶତକ ହାସଲ କରିଥିବା ବେଳେ ୩୬ଟି ଅର୍ଦ୍ଧଶତକ ରହିଛି ।ଯାହାଫଳରେ ଅନେକ ସମୟରେ ଟିମ୍‌କୁ କଠିନ ପରିସ୍ଥିତିରୁ ବାହାର କରିଛନ୍ତି । ଏହି ଇନିଂସ ମଧ୍ୟରେ ୩ଟି ଦ୍ୱିଶତକ ମଧ୍ୟ ରହିଛି ।

ତେବେ ୨୦୦୭ରେ ଆନ୍ତର୍ଜତୀୟ କ୍ରିକେଟ୍‌ରେ ଏଣ୍ଟ୍ରି କରିଥିବା ରୋହିତ ଶର୍ମାର କ୍ୟାରିୟରର ପ୍ରଥମ କିଛି ବର୍ଷ ସେତେଟା ଭଲନଥିଲା । କିନ୍ତୁ ୨୦୧୩ ଆଇସିସି ଚମ୍ପିଆନ୍‌ସିପ ଟୁର୍ଣ୍ଣାମେଣ୍ଟ ତାଙ୍କ କ୍ୟାରିୟରରେ ସାଜିଥିଲା ଟର୍ଣ୍ଣି ପଏଣ୍ଟ । ଏହି ଟୁର୍ଣ୍ଣାମେଣ୍ଟରେ ରୋହିତ ଓପନର ଭାବେ ନୂଆ କ୍ୟାରିୟର ଆରମ୍ଭ କରିଥିଲେ । ତାପରଠାରୁ ସେ ଆଉ ପଛକୁ ଫେରିନଥିଲେ । ଲଗାତର ଭାବେ ଟିମ୍‌ ଓ ନିଜ ପାଇଁ ରନ୍‌ ସଂଗ୍ରହ କରିବାରେ ଲାଗିଥିଲେ । ଆଉ ନୂଆ ନୂଆ ରେକର୍ଡ ସୃଷ୍ଟି କରିବାରେ ଲାଗିଥିଲା ।

ସୂଚନାଯୋଗ୍ୟ ଯେ, ରୋହିତ ଶର୍ମା ୫୨ଟି ଟେଷ୍ଟ ମ୍ୟାଚ୍‌ ଖେଳି ୩୬୭୭ ରନ୍‌ ସଂଗ୍ରହ କରିଛନ୍ତି । ଯେଉଁଥିରେ ୧୦ଟି ଶତକ ଏବଂ ୧୫ଟି ଅର୍ଦ୍ଧଶତକ ରହିଛି । ଏହାବାଦ୍‌ ୨୪୬ଟି ଦିନିକିଆ ମ୍ୟାଚ୍‌ ୯୯୨୨ ରନ୍‌ ସଂଗ୍ରହ । ଯେଉଁଥିରେ ତାଙ୍କର ୩୦ଟି ଶତକ ଏବଂ ୪୯ଟି ଅର୍ଦ୍ଧଶତକ ରହିଛି । ବ୍ୟକ୍ତିଗତ ଭାବେ ଦିନିକିଆ କ୍ରିକେଟ୍‌ରେ ୨୬୪ ରନ୍‌ ତାଙ୍କର ସର୍ବାଧିକ ସ୍କୋର ରହିଛି । ପୁରା ଦିନିକିଆ କ୍ୟାରିୟରରେ ୯୦.୦୧ ପ୍ରତିଶତ ଷ୍ଟ୍ରାଇକ୍‌ ରେଟ୍‌ରେ ରନ୍‌ ସଂଗ୍ରହ କରିଛନ୍ତି ରୋହିତ । ସେହିପରି ୧୪୮ଟି ଟି-୨୦ ମ୍ୟାଚ୍‌ ଖେଳି ୩୮୫୩ ରନ୍‌ ସଂଗ୍ରହ କରିଛନ୍ତି । ଯେଉଁଥିରେ ୪ଟି ଶତକ ଏବଂ ୨୯ଟି ଅର୍ଦ୍ଧଶତକ ରହିଛି । ଟି-୨୦ କ୍ରିକେଟରେ ୧୧୮ ରନ୍‌ ତାଙ୍କର ବ୍ୟକ୍ତିଗତ ଭାବେ ସର୍ବାଧିକ ସ୍କୋର ରହିଛି ।

   Related Posts