ନୂଆଦିଲ୍ଲୀ: ଭାରତୀୟ କ୍ରିକେଟ୍ ଟିମ୍ର ଅଧିନାୟକ ରୋହିତ ଶର୍ମା କ୍ରିକେଟ୍ ୱାର୍ଲଡ୍ କପ୍ ଇତିହାସରେ ଏକ ବଡ଼ ରେକର୍ଡ ନିଜ ନାଁରେ କରିଛନ୍ତି । ରୋହିତ୍ ଶର୍ମା କ୍ରିକେଟ୍ ୱାର୍ଲଡ୍ କପ ଇତିହାସରେ ସବୁଠୁ ଅଧିକ ଛକା ମାରିଥିବା ବ୍ୟାଟର ହୋଇଛନ୍ତି । କେବଳ ଏହା ନୁହେଁ, ବିଶ୍ୱକପ ଇତିହାସରେ ଛକାର ଅର୍ଦ୍ଧଶତକ ମାରିବାରେ ହିଟମ୍ୟାନ୍ ଏକମାତ୍ର ବ୍ୟାଟର ।
ରୋହିତ ଶର୍ମା ୱେଷ୍ଟଇଣ୍ଡିଜ୍ ଲିଜେଣ୍ଡ କ୍ରିସ୍ ଗେଲ୍ଙ୍କ ରେକର୍ଡଙ୍କୁ ଧରାଶାୟୀ କରି ନୂଆ ୱାର୍ଲଡ୍ ରେକର୍ଡ କରିଛନ୍ତି । କାରଣ ରୋହିତ୍ ଶର୍ମା ପ୍ରଥମ ଓ ଏକମାତ୍ର ବ୍ୟାଟର, ଯିଏ ୱାର୍ଲଡ୍ କପର ତିନି ସଂସ୍କରଣରେ ୫୦ରୁ ଅଧିକ ଛକା ମାରିଛନ୍ତି । କ୍ରିସ୍ ଗେଲ୍ ୱାର୍ଲଡ୍ କପର ୩୪ ଇନିଂସରେ ୪୯ ଛକା ମାରିଥିଲେ । କିନ୍ତୁ ରୋହିତ ଶର୍ମା ୨୭ ମ୍ୟାଚରୁ ଏହି କମାଲ କରି ଦେଖାଇଛନ୍ତି । ଏହି ସୂଚୀର ତୃତୀୟ ସ୍ଥାନରେ ଅଷ୍ଟ୍ରେଲିଆ ଅଲରାଉଣ୍ଡର ଗ୍ଲେନ୍ ମାକ୍ସୱେଲ ଅଛନ୍ତି । ବିଶ୍ୱ କପରେ ୨୩ଟି ଇନିଂସରେ ମାକ୍ସୱେଲଙ୍କ ବ୍ୟାଟରୁ ବାହାରିଛି ୪୩ ଛକା ।
ରୋହିତ୍ ଶର୍ମା-୫୦
କ୍ରିସ୍ ଗେଲ୍-୪୯
ଗ୍ଲେନ ମାକ୍ସୱେଲ-୪୩
ଏବି ଡିଭିଲିୟର୍ସ-୩୭
ଡେଭିଡ୍ ୱାର୍ଣ୍ଣର-୩୭
ରୋହିତ୍ ଶର୍ମା କ୍ରିସ୍ ଗେଲ୍ଙ୍କ ଆଉ ଏକ ବିଶ୍ୱକପ ରେକର୍ଡ ଭାଙ୍ଗିଛନ୍ତି । ରୋହିତ୍ ଶର୍ମା ବିଶ୍ୱ କପର ଗୋଟିଏ ସଂସ୍କରଣରେ ସବୁଠୁ ଅଧିକ ଛକା ମାରିବା ରେକର୍ଡ ନିଜ ନାଁରେ କରିଛନ୍ତି । କ୍ରିସ୍ ଗେଲ୍ ୨୦୧୫ ୱାର୍ଲଡ୍ କପରେ ମୋଟ ୨୬ ଛକା ମାରିଥିଲେ । କିନ୍ତୁ ଚଳିତ ବିଶ୍ୱକପରେ ନ୍ୟୁଜିଲାଣ୍ଡ ବିପକ୍ଷ ସେମି ଫାଇନାଲରେ ତୃତୀୟ ଛକା ମାରିବା ସହ ଗୋଟିଏ ସଂସ୍କରଣରେ ରୋହିତ ଶର୍ମାଙ୍କ ଛକା ସଂଖ୍ୟା ୨୭ ହୋଇଛି ।
ବିଶ୍ୱକପର ଗୋଟିଏ ସଂସ୍କରଣରେ ସର୍ବାଧିକ ଛକା
ରୋହିତ ଶର୍ମା (୨୦୨୩)-୨୭
କ୍ରିସ୍ ଗେଲ୍ (୨୦୧୫)-୨୬
ଇୟୋନ ମୋର୍ଗନ (୨୦୧୯)-୨୨
ଗ୍ଲେନ ମାକ୍ସୱେଲ (୨୦୨୩)-୨୨
ଏବି ଡିଭିଲିୟର୍ଲ (୨୦୧୫)-୨୧
କ୍ୱିଣ୍ଟନ୍ ଡି କକ୍ (୨୦୨୩)-୨୧
Also Read: ରୋହିତଙ୍କ ଦିଓ୍ଵାନା ହେଲେ ଓ୍ଵାସିମ ଆକ୍ରମ, କହିଲେ ଜୋ ରୁଟ୍, ବିରାଟ ଓ ଓ୍ଵିଲିୟମସନଙ୍କଠୁ କାହିଁକି ବେଷ୍ଟ ହିଟ୍ମ୍ୟାନ