ନୂଆଦିଲ୍ଲୀ: ଭାରତର ଷ୍ଟାର ଟେନିସ ଖେଳାଳି ରୋହନ ବୋପନ୍ନା ବିଏମପି ପରିବାସ ଓପନ ଟେନିସ ଟୁର୍ଣ୍ଣାମେଣ୍ଟରେ ନିଜ ଅଷ୍ଟ୍ରେଲିଆ ସହଯୋଗୀଙ୍କ ସହ ମିଶି ପୁରୁଷ ଡବଲ୍ସ ଟାଇଟଲ୍ ବିଜୟୀ ହୋଇଛନ୍ତି । ଏହାସହ ଏଟିପି ମାଷ୍ଟର୍ସ ୧୦୦୦ ଟୁର୍ଣ୍ଣାମେଣ୍ଟ ବିଜୟୀ ହେବାରେ ସବୁଠୁ ବୟସ୍କ ଖେଳାଳି ହୋଇଛନ୍ତି । ରୋହନ ବୋପନ୍ନାଙ୍କ ବର୍ତ୍ତମାନ ବୟସ ୪୩ ବର୍ଷ । ରୋହନ ବୋପନ୍ନା ଏବଂ ଅଷ୍ଟ୍ରେଲିଆର ଏବଡେନ ଶନିବାର ଫାଇନାଲରେ ଶୀର୍ଷ ମାନ୍ୟତାପ୍ରାପ୍ତ ନେଦରଲ୍ୟାଣ୍ଡର ୱେସ୍ଲେ କୁଲହୋଫ୍ ଏବଂ ବ୍ରିଟେନର ନୀଲ ସ୍କୁପସ୍କିଙ୍କ ଯୋଡିକୁ ୬-୩, ୨-୬, ୧୦-୮ରେ ପରାସ୍ତ କରିଥିଲେ ।

ନିଜର ୧୦ ଏଟିପି ମାଷ୍ଟର୍ସ ୧୦୦୦ ଫାଇନାଲ ଖେଳିଥିବା ବୋପନ୍ନା କହିଛନ୍ତି,’ବାସ୍ତାରେ ଏହା ସ୍ୱତନ୍ତ୍ର । ଏଥିପାଇଁ ଏହାକୁ ଟେନିସର ସ୍ୱର୍ଗ ବୋଲି କୁହାଯାଏ । ଅନେକ ବର୍ଷରୁ ମୁଁ ଏଠାକୁ ଆସୁଛି ଏବଂ ଲୋକେ ଟାଇଟଲ ଜିତିବା ଦେଖି ଆସୁଛି । ମୁଁ ପ୍ରକୃତରେ ବହୁତ ଖୁସି ଯେ ମୁଁ ଏବଂ ମେଟ୍ ଏଠାରେ ଟାଇଟଲ ଜିତିବାରେ ସଫଳ ହୋଇଛୁ’। ଦୀର୍ଘ ଦିନରୁ ମିକ୍ସଡ ଡବଲ୍ସରେ ସାନାଆ ମିର୍ଜାଙ୍କ ସହ ମିଶି ଅନେକ ଟୁର୍ଣ୍ଣାମେଣ୍ଟ ଖେଳିଥିବା ବୋପନ୍ନା କହିଛନ୍ତି, ‘ଆମେ କଡ଼ା ଏବଂ ରୋମାଞ୍ଚକର ମୁକାବିଲା ମ୍ୟାଚ୍ ଖେଳିଛୁ । ଆଜି ଆମ ମୁକାବିଲା ବର୍ତ୍ତମାନର ସର୍ବଶ୍ରେଷ୍ଠ ଟିମ୍ ସହ ଥିଲା । ମୁଁ ବାସ୍ତବରେ ବହୁତ୍ ଖୁସି ଅଛି ‘।

ବୋପନ୍ନା ଏହି ବିଜୟ ସହ କାନାଡାର ଡେନିୟଲ ନେଷ୍ଟରଙ୍କୁ ପଛରେ ପକାଇଛନ୍ତି । ନେଷ୍ଟର ୨୦୧୫ରେ ସିନସିନାଟି ମାଷ୍ଟର୍ସରେ ୪୨ ବର୍ଷ ବୟସରେ ଟାଇଟଲ ବିଜୟୀ ହୋଇଥିଲେ ।

Last night at @BNPParibasOpen, 43-year-old @RohanBopanna became oldest #ATPMasters1000 finalist in series history (290 events since 1990).

Bopanna, who turned 43 on 4 March, passed @DanielNestor, who was 12 days shy of 43rd birthday when he won 2015 @CincyTennis doubles title.

— ATP Media Info (@ATPMediaInfo) March 18, 2023