ଗଛକୁ ପିଟିଲା ବରଯାତ୍ରୀ ଗାଡି, ପିକ୍‌ଅପ୍‌ ଭ୍ୟାନ୍‌ରେ ଥିଲେ ୩୦ ଜଣ ଯାତ୍ରୀ

27/06/2023 at 9:27 AM

ପାଟଣା ୨୭।୦୬ : ବରଯାତ୍ରୀ ଗାଡି ଦୁର୍ଘଟଣା। ଅଳ୍ପକେ ବର୍ତ୍ତିଗଲେ ଅନେକ ଯାତ୍ରୀ । ହେଲେ ତିନି ଜଣ ଯାତ୍ରୀ ସାମାନ୍ୟ ଆହତ ହୋଇଛି । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । କେନ୍ଦୁଝର ଜିଲ୍ଲା ସାହାରପଡ଼ା ଫାଣ୍ଡି ପିପିଳିଆ ନାଳ ନିକଟରେ ଘଟିଛି ଦୁର୍ଘଟଣା ।

ଖବର ଅନୁଯାୟୀ, ପାଟଣା ଥାନା ଡିଆନାଳି ଗାଁର ଆଟୁଆ ମୁଣ୍ଡାଙ୍କ ବାହାଘର ପାଇଁ ବରଯାତ୍ରୀ ପିପିଳିଆ ଗାଁକୁ ଯାଉଥିଲେ । ଏହି ସମୟରେ ବରଯାତ୍ରୀ ଗାଡିଟି ଭାରସାମ୍ୟ ହରାଇ ରାସ୍ତାକଡ଼ରେ ଥିବା ଗଛକୁ ଧକ୍କା ଦେଇଥିଲା । ଯାହାଫଳରେ ତିନି ଜଣ ଯାତ୍ରୀ ଆହତ ହୋଇଥିବା ବେଳେ ଅନ୍ୟ ଲୋକ ଅଳ୍ପକେ ବର୍ତ୍ତିଯାଇଛନ୍ତି । ପିକ୍‌ଅପ୍‌ ଭ୍ୟାନ୍‌ ମୋଟ ୩୦ ଜଣ ଯାତ୍ରୀ ରହିଥିଲେ ।