ଭାରସାମ୍ୟ ହରାଇ ଓଲଟିଲା ପିକ୍ଅପ୍ ଭ୍ୟାନ୍, ଅଳ୍ପକେ ବର୍ତ୍ତିଲେ ଡ୍ରାଇଭର
12/03/2023 at 9:00 AM
ପାଟଣା ୧୨।୦୩ : ଭାରସାମ୍ୟ ହରାଇ ଓଲଟିଲା ପିକ୍ଅପ୍ ଭ୍ୟାନ୍ । ଅଳ୍ପକେ ବର୍ତ୍ତିଲେ ଡ୍ରାଇଭର । କେନ୍ଦୁଝର ଜିଲ୍ଲା ୪୯ ନମ୍ବର ଜାତୀୟ ରାଜପଥ ତୁରୁମୁଙ୍ଗା ବଜାରରେ ଘଟିଛି ଦୁର୍ଘଟଣା ।
ଖବର ଅନୁଯାୟୀ, ଏକ ଗଦି ଓ ସୋଫାସେଟ୍ ବୋଝେଇ ପିକ୍ଅପ୍ ଭ୍ୟାନ୍ କୋଲକାତାରୁ ଦେବଗଡ଼ ଯାଉଥିଲା । ତୁରୁମୁଙ୍ଗା ବଜାରରେ ଗାଡିଟି ଭାରସାମ୍ୟ ହରାଇ ଓଲଟିପଡିଛି । ସୌଭାଗ୍ୟବଶତଃ ଅଳ୍ପକେ ବର୍ତ୍ତି ଯାଇଛନ୍ତି ଡ୍ରାଇଭର ।
ସେପଟେ ଦୁର୍ଘଟଣା ତୁରୁମୁଙ୍ଗା ପୋଲିସ ପହଞ୍ଚି ତଦନ୍ତ ଜାରି ରଖିଛି । ଏନଏଚଆଇ ପାଟ୍ରୋଲିଙ୍ଗ କର୍ମଚାରୀଙ୍କ ଦ୍ୱାରା କ୍ରେନ୍ ସହାୟତାରେ ଦୁର୍ଘଟଣା ଗ୍ରସ୍ତ ପିକଅପ ଭ୍ୟାନକୁ ରାଜପଥ ଉପରେ ହଟାଯାଇଛି l
