କୋରାପୁଟ ୧୭।୧୨ : ରାସ୍ତାକଡ଼କୁ ଓଲଟିଲା ଗ୍ୟାସ୍ ଟ୍ୟାଙ୍କର । କୋରାପୁଟ-ବିଶାଖାପାଟଣା ୨୬ ନମ୍ବର ଜାତୀୟ ରାଜପଥ ପଡାଲଗୁଡ଼ା ଛକ ନିକଟରେ ଏହି ଦୁର୍ଘଟଣା ଘଟିଛି । ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଖବର ଅନୁଯାୟୀ, ବିଶାଖାପାଟଣାରୁ ରାୟପୁର ଅଭିମୁଖେ ଯାଉଥିଲା ଏକ ଗ୍ୟାସ୍ ଟ୍ୟାଙ୍କର । ହେଲେ କୋରାପୁଟ-ବିଶାଖାପାଟଣା ୨୬ ନମ୍ବର ଜାତୀୟ ରାଜପଥ ପଡାଲଗୁଡ଼ା ଛକ ନିକଟରେ ଗାଡିଟି ଭାରସାମ୍ୟ ହରାଇ ରାସ୍ତାକଡ଼କୁ ଖସିପଡିଛି । ଯାହାଫଳରେ ଟ୍ୟାଙ୍କରରୁ ଗ୍ୟାସ୍ ଲିକ୍ ହୋଇଥିଲା । ତେବେ ସୁରକ୍ଷାଦୃଷ୍ଟିରୁ ଜାତୀୟ ରାଜପଥରେ ଯିବାଆସିବା ବନ୍ଦ କରାଯାଇଛି ।
ସେପଟେ ଘଟଣାସ୍ଥଳରେ ପଟାଙ୍ଗୀ ଅଗ୍ନିଶମ ବାହିନୀ ପହଞ୍ଚି ଖୋଳତାଡ଼ ଜାରି ରଖିଛି । ଏପିରିକି ଗ୍ୟାସ୍ ଲିକ୍କୁ ତୁରନ୍ତ ବନ୍ଦ କରିବାକୁ ମଧ୍ୟ ଚେଷ୍ଟା ଜାରି ରଖିଛି ଅଗ୍ନିଶମ ବାହିନୀ । ପଟାଙ୍ଗୀ ପୋଲିସ ମଧ୍ୟ ଘଟଣାସ୍ଥଳରେ ଉପସ୍ଥିତ ରହିଛି ।