ସୋନପୁର ୨୪।୦୧ : ରାସ୍ତାରେ ବସିଲେ ଗ୍ରାମବାସୀ । ସୋନପୁର ଜିଲ୍ଲା ବୀରମହାରାଜପୁର-ଚାରମାଳ ରାସ୍ତାର ହିଲୁଙ୍ଗ ଛକରେ ରାସ୍ତା ଅବରୋଧ କଲେ ଗ୍ରାମବାସୀ । ଯାହାଫଳରେ ଯାତାୟତ ବାଧାପ୍ରାପ୍ତ ହୋଇଛି ।

ଖବର ଅନୁଯାୟୀ, ସୋନପୁର ଜିଲ୍ଲା ବୀରମହାରାଜପୁର  ବ୍ଲକ ହିଲୁଙ୍ଗ ଗାଁରେ ପିଇବା ପାଣି ସମସ୍ୟା ଲାଗିରହିଛି । ନଳକୂପ ଖରାପ ଅଛି । ଏପିରିକି ସୋଲାର ଜଳ ଯୋଗାଣ ପ୍ରକଳ୍ପ ଦୀର୍ଘ ଦିନରୁ ଅଚଳ ହୋଇପଡିଛି । ଶେଷରେ ବାଧ୍ୟ ହୋଇ ଗ୍ରାମବାସୀ ଗରା ବାଲଟି ଧରି ରାସ୍ତା ଅବରୋଧ କରିଛନ୍ତି ହିଲୁଙ୍ଗ ଗ୍ରାମବାସୀ ।

ବୀରମହାରାଜପୁର-ଚାରମାଳ ରାସ୍ତାର ହିଲୁଙ୍ଗ ଛକରେ ରାସ୍ତା ଅବରୋଧ ଲାଗି ଯାତାୟତ ବାଧାପ୍ରାପ୍ତ ହୋଇଛି । ରାସ୍ତାର ଉଭୟ ପଟେ ଅନେକ ଗାଡ଼ି ମଟର ଅଟକି ରହିଛି । ସୋଲାର ପ୍ରକଳ୍ପକୁ ସଚଳ କରିବା ସହିତ ନଳକୂପକୁ ମରାମତି କରିବା ଲାଗି ଦାବି କରିଛନ୍ତି ଗ୍ରାମବାସୀ ।