ବଣାଇ ୩୦।୧୧ : ସୁନ୍ଦରଗଡ଼ ଜିଲ୍ଲା ବଣାଇ ଥାନା ଜାତୀୟ ରାଜପଥ ୧୪୩ ନିକଟରେ ଦୁର୍ଘଟଣା । ଅଜଣା ଗାଡି ଧକ୍କାରେ ଜଣେ ଚାଷୀଙ୍କ ସମେତ ଦୁଇଟି ବଳଦଙ୍କର ମୃତ୍ୟୁ ହୋଇଛି । ସେପଟେ କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ପକ୍ଷରୁ ରାସ୍ତାରୋକ ।
ଖବର ଅନୁଯାୟୀ, ବଣାଇ ଥାନା ଧରଣୀଧର ପାଲି ନିକଟରେ ଗମଲେଇ ହାଟକୁ ବଳଦ ବିକ୍ରି ଲାଗି ଯାଉଥିଲେ ଜଣେ ବ୍ୟବସାୟୀ । ଏହି ସମୟରେ ଏକ ଅଜଣା ଗାଡି ଆସି ତାଙ୍କୁ ଧକ୍କା ଦେଇଥିଲା । ଯାହାଫଳରେ କନ୍ତସରା ଗାଁର ଶଙ୍ଖାଳି ପାତ୍ରଙ୍କ ସହିତ ଦୁଇଟି ବଳଦଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ପରେ ସ୍ଥାନୀୟ ଲୋକେ କ୍ଷତିପୂରଣ ଦାବିରେ ରାସ୍ତାରୋକ କରିଛନ୍ତି । ପୁରା ଘଟଣା ସଂପର୍କରେ ବଣାଇ ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି । ଏହାସହ ଶଙ୍ଖାଳି ପାତ୍ରଙ୍କ ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି ।
