ପଟ୍ଟମୁଣ୍ଡାଇ ୧୭।୬: କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇରେ ସୋମବାର ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏକ ହାଇୱା ଟ୍ରକ୍ କୁ   ପଛରୁ ଧକ୍କା ଦେଇଛି ବାଇକ୍ । ଫଳରେ ବାଇକରେ ଯାଉଥିବା ୨ ଜଣଙ୍କର ସୋଚନୀୟ ମୃତ୍ୟୁ ହୋଇଛି। ଦୁର୍ଘଟଣା ଏସଡପିଓଙ୍କ ଅଫିସ ସମ୍ମୁଖରେ ହୋଇଥିଲା। ଦୁର୍ଘଟଣାର ଶିକାର ୨ ଜଣଙ୍କୁ ତୁରନ୍ତ ଉଦ୍ଧାର କରି ହସ୍ପିଟାଲକୁ ନିଆଯାଇଥିବା ବେଳେ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଛନ୍ତି।

ମୃତକ ୨ ଜଣଙ୍କର ଚିହ୍ନଟ ହୋଇଛି। ସେମାନେ ହେଲେ ସ୍ଥାନୀୟ ଗାଙ୍ଗପଡା ଗ୍ରାମର କ୍ଷୀରୋଦ ବେହେରା ଓ ରଞ୍ଜନ ବାରିକ।   କ୍ଷୀରୋ ଓ ରଞ୍ଜନ ବାଇକରେ ବସି ହାଇୱା ଟ୍ରକ୍ ପଛପଛେ ଯାଉଥିଲେ। ତେବେ ଅଚାନକ ହାଇୱା ବ୍ରେକ ଲଗାଇବାରୁ ସେମାନେ ବାଇକ୍ କୁ ନିୟନ୍ତ୍ରଣ କରିନପାରି ଟ୍ରକ ପଛରେ ବାଡେଇ ହୋଇଯାଇଥିଲେ। ବାଇକ୍ ଅଧିକ ବେଗରେ ଥିବାରୁ ଉଭୟ ଦୂରକୁ ଛିଟିକିପଡି ଥିଲେ।