ନୂଆଦିଲ୍ଲୀ ୨୮/୦୫: ଆଇପିଏଲ୍ ୨୦୨୪ ଫାଇନାଲ ଟାଇଟଲ ହାତେଇଛି କୋଲକାତା ନାଇଟ ରାଇଡର୍ସ(କେକେଆର୍) । ବିଜୟ ପରେ କେକେଆର୍ ତାରକା ଫିଲ୍ଡରେ ସେଲିବ୍ରେସନ କରୁଥିବା ନଜର ଆସିଥିଲେ । ତେବେ ଏହି ସମୟରେ ରିଙ୍କୁ ସିଂହ ଭିଡିଓ କଲ୍ରେ ଋଷଭ ପନ୍ତଙ୍କ ସହ ମଜାଳିଆ ଢଙ୍ଗରେ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା ।
କେକେଆର୍ ଏହି ଭିଡିଓକୁ ସୋସିଆଲ ମିଡିଆରେ ସେୟାର କରିଛନ୍ତି । ଉଭୟ ପରସ୍ପର ସହିତ ମଜାଳିଆ ଢଙ୍ଗରେ କଥାବାର୍ତ୍ତା କରୁଥିବା ଦେଖାଯାଏ । ଏହି ସମୟରେ ନୀତୀଶ ରାଣା ମଧ୍ୟ ପନ୍ତଙ୍କ ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। KKR ର ବିଜୟ ପରେ ରିଙ୍କୁ ବହୁତ ଭଲ ମନୋଭାବରେ ନଜର ଆସିଥିଲେ । ବିଜୟ ପାଇଁ ପନ୍ତ ରିଙ୍କୁଙ୍କୁ ଶୁଭେଚ୍ଛା ଜଣାଇଛନ୍ତି।
TATA IPL 2024 Trophy ✅
— KolkataKnightRiders (@KKRiders) May 27, 2024
Time for a 'Rishu Bhaiya-Rinku' reunion in the USA! ✈️ pic.twitter.com/d1jPyqkXqH
ଭିଡିଓରେ, ରିଙ୍କୁ କହିଥିଲେ ଯେ ସେ ୨୮ ତାରିଖ ଦିନ ଆମେରିକା ଯାଉଛନ୍ତି । ଏହି ସମୟରେ ତାଙ୍କ ପାକେ ଅନ୍ୟ ଖେଳାଳି ବି ସେଠାରେ ଉପସ୍ଥିତ ଥିଲେ । କହିବାକୁ ଗଲେ ଟି-20 ବିଶ୍ୱକପ ଦଳରେ ରିଙ୍କୁଙ୍କୁ ରିଜର୍ଭ ଖେଳାଳି ଭାବରେ ଚୟନ କରାଯାଇଛି । ଭାରତୀୟ ଦଳର ପ୍ରଥମ ବ୍ୟାଚ୍ ଟି -20 ବିଶ୍ୱକପ ପାଇଁ ଆମେରିକାରେ ପହଞ୍ଚିଛି ।
ଭାରତୀୟ ଦଳ ବାଂଲାଦେଶ ସହିତ ୱାର୍ମ ଅପ୍ ମ୍ୟାଚ୍ ଖେଳିବାକୁ ଯାଉଛି। ଏଥି ସହିତ ୫ ଜୁନ୍ ରେ ଭାରତ ଏବଂ ଆୟର୍ଲାଣ୍ଡ ମଧ୍ୟରେ ମ୍ୟାଚ୍ ଖେଳାଯିବ । ଏହା ବ୍ୟତୀତ ଭାରତୀୟ ଦଳ ଟି-୨୦ ବିଶ୍ୱକପରେ ଜୁନ୍ ୯ରେ ପାକିସ୍ତାନ ସହ ଏକ ବଡ଼ ମ୍ୟାଚ୍ ଖେଳିବାକୁ ଯାଉଛି। ଏହି ମ୍ୟାଚ୍ ନ୍ୟୁୟର୍କରେ ଖେଳାଯିବ ।
ରିଙ୍କୁ ତାଙ୍କ କ୍ୟାରିୟରରେ ଏପର୍ଯ୍ୟନ୍ତ ୧୫ ଟି-20 ମ୍ୟାଚ୍ ଖେଳିଛନ୍ତି । ଯେଉଁଥିରେ ସେ ୧୧ଟି ଇନିଂସରେ ହାରାହାରି ୮୯ ଏବଂ ଷ୍ଟ୍ରାଇକ୍ ହାର ୧୭୬.୨୩ ରନ୍ କରିଛନ୍ତି । ଏଥି ସହିତ, ରିଙ୍କୁ ଏପର୍ଯ୍ୟନ୍ତ ଟି-୨୦ ଇଣ୍ଟରନ୍ୟାସନାଲରେ ଅର୍ଦ୍ଧଶତକ ହାସଲ କରିଛନ୍ତି। ଅଗଷ୍ଟ ୨୦୨୩ରେ ରିଙ୍କୁ ଭାରତ ପାଇଁ ଡେବ୍ୟୁ କରିଥିଲେ ।