ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ପ୍ରଦେଶ କଂଗ୍ରେସରେ ବିଦ୍ରୋହ- କେବେ ନିପ, କେବେ ମମୋ

3/11/2019 at 7:39 PM

ଭୁବନେଶ୍ୱର ୦୩।୧୧- ୧୦ରେ ସୋନିଆ ଗାନ୍ଧିଙ୍କୁ ଭେଟିବ ନିରଞ୍ଜନ ହଟାଅ ଗୋଷ୍ଠୀ | ପିସିସି ସଭାପତି ପଦରେ ମହମ୍ମଦ ମୋକିମଙ୍କୁ ବସାଇବାକୁ ଦାବି କରାଯିବ | ଆଜି ପୁଣି ବୈଠକ କରି ଏମିତି କିଛି ରଣନୀତି ତିଆରି କରିଛନ୍ତି କଂଗ୍ରେସର କିଛି ନେତା |

କେବେ ନିପ, କେବେ ମମୋ। ନିପ ମାନେ ନିରଞ୍ଜନ ପଟ୍ଟନାୟକ ଓ ମମୋ ମାନେ ମହମ୍ମଦ ମୋକିମଙ୍କ ମଧ୍ୟରେ ପେଣ୍ଡୁଲମ ଗତିରେ ଦୋହଲୁଛି ରାଜ୍ୟ କଂଗ୍ରେସ ନେତାଙ୍କ ନେତା ଫର୍ମୁଲା। ବୁଧବାର ଋଷିଲେ | ଶୁକ୍ରବାର ମିଶିଲେ | ପୁଣି ଗୋଟେ ଦିନ ଛାଡ଼ି ପୁଣି ମେଳି କଲେ | ରାଜ୍ୟ କଂଗ୍ରେସରେ ନିରଂଜନ ପଟ୍ଟନାୟକ ହଟାଓ ମହମ୍ମଦ ମୋକିମ ଆଣ ଅଭିଯାନ ରବିବାର ପୁଣି ତେଜ୍ ହୋଇଛି |  ପାନ୍ଥନିବାସରେ ବୁଧବାର ବସିଥିବା ନେତାଏ ପୁଣି ଏକାଠି ହୋଇ ନିରଂଜନ ହଟାଓ ସଂକଳ୍ପ ପାରିତ କରିଛନ୍ତି | ଆଉ ୧୦ରେ ମିଶିବେ ୧୦ ଜନପଥରେ। କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧିଙ୍କୁ ଭେଟିବେ।

ସେପଟେ ଶୁକ୍ରବାର ଯେଉଁ ନେତାଙ୍କୁ ମନେଇ ଥିଲେ, ସେମାନେ ପୁଣି ବିଦ୍ରୋହର ବିଗୁଲ୍ ଫୁଙ୍କିବା ଦେଖି ଚିହିଁକି ଉଠିଛନ୍ତି ପିସିସି ସଭାପତି | ଏ କଥା, ପଚାରୁ ପଚାରୁ କହୁଛନ୍ତି, ଏହା ପାର୍ଟିର ଇଣ୍ଟରନାଲ୍ ମ୍ୟାଟର୍ | ସେ କିଛି ବି ରିପ୍ଲାଏ ଦେବେ ନାହିଁ | ତେବେ ଏତିକି କହିଛନ୍ତି, ସବୁଠି ଶୃଙ୍ଖଳା ନିହାତି ଦରକାର |

୧୦ରେ ବିଦ୍ରୋହୀ ଗୋଷ୍ଠୀ ସୋନିଆଙ୍କୁ ଭେଟିବା ପାଇଁ ଦିଲ୍ଲୀ ଚଲୋ ନାରା ତ ଦେଇଛନ୍ତି | ବଡ଼ କଥା ହେଉଛି, ସୋନିଆ ଏମାନଙ୍କୁ ଭେଟୁଛନ୍ତି ନା, ସେଠାରେ ବି ପ୍ରଭାରୀଙ୍କୁ ଭେଟି ଫେରୁଛନ୍ତି ତାହା ଉପରେ ନିର୍ଭର କରିବ କଂଗ୍ରେସର ପରବର୍ତ୍ତୀ ମିଶନ।

   Related Posts