ନୂଆଦିଲ୍ଲୀ ୧୨।୫: ମୁଦ୍ରାସ୍ପିତି ୮ ବର୍ଷର ଶୀର୍ଷତମ ସ୍ତରକୁ ପହଞ୍ଚିଛି। ଗୁରୁବାର ସରକାର ଜାରି କରିଥିବା ତଥ୍ୟାନୁସାରେ ଖୁଚୁରା ମୁଦ୍ରାସ୍ପିତି (ରିଟେଲ ଇନଫ୍ଲେସନ) ଏପ୍ରିଲରେ ବାର୍ଷିକ ଆଧାରରେ ବଢି ୭.୭୯ ପ୍ରତିଶତରେ ପହଞ୍ଚିଯାଇଛି। ଯାହା ଗତ ୮ ବର୍ଷର ସର୍ବୋଚ୍ଚ ସ୍ତର ବୋଲି ଏବେ କୁହାଯାଉଛି। ଖାଦ୍ୟପଦାର୍ଥ ମୂଲ୍ୟ ବୃଦ୍ଧି ଯୋଗୁ ଖୁଚୁରା ମୁଦ୍ରାସ୍ପିତି ବଢ଼ିଛି। ଲଗାତାର ୪ ମାସ ଧରି ମୁଦ୍ରାସ୍ପିତି ରିଜର୍ଭ ବ୍ୟାଙ୍କ (ଆରବିଆଇ)ଙ୍କ ଧାର୍ଯ୍ୟ ଲକ୍ଷର ଉପର ସୀମାରେ ରହୁଛି।
{"id":627487,"width":841,"height":826,"sizeSlug":"full","linkDestination":"none"}ଉପଭୋକ୍ତା ମୂଲ୍ୟ ସୂଚକାଙ୍କ (ସିପିଆଇ) ଆଧାରିତ ମୁଦ୍ରାସ୍ପିତି ଗତ ମାର୍ଚ୍ଚ ମାସରେ ୬.୯୫ ପ୍ରତିଶତକୁ ପହଞ୍ଚିଥିଲା। ଯାହା ଗତ ଏପ୍ରିଲ ୨୦୨୧ରେ ଏହି ହାର ୪.୨୩ ପ୍ରତିଶତରେ ଥିବା ଦେଖାଯାଇଛି। ତେବେ ଗତ ଏପ୍ରିଲ ମାସରେ ଖାଦ୍ୟ ମୁଦ୍ରାସ୍ପିତି ଗତବର୍ଷ ତୁଳନାରେ ୨ ଗୁଣା ହୋଇଯାଇଛି। ଏପ୍ରିଲ ୨୦୨୨ରେ ଖାଦ୍ୟ ମୁଦ୍ରାସ୍ପିତି ୮.୩୮ ପ୍ରତିଶତକୁ ପହଞ୍ଚିଛି। ଯାହା ଗତ ମାର୍ଚ୍ଚ ମାସରେ ୭.୬୮ ପ୍ରତିଶତ ଥିଲା।
{"id":627488,"sizeSlug":"full","linkDestination":"none"}ତେବେ ଆରବିଆଇଙ୍କୁ ମୁଦ୍ରାସ୍ପିତି ୪ ପ୍ରତିଶତରେ ସୁନିଶ୍ଚିତ କରିବାକୁ କୁହାଯାଇଛି। ଏଥିରେ ୨ ପ୍ରତିଶତ ଅଧିକ ବା କମ୍ ବି ହୋଇପାରେ। ତେବେ ଗତ ଜାନୁୟାରୀ ମାସରୁ ଖାଦ୍ୟ ମୁଦ୍ରାସ୍ପିତି ଲଗାତାର ୬ ପ୍ରତିଶତରୁ ଉପରେ ଚାଲିଛି। ଗତମାସରେ ଆରବିଆଇ ଅଚାନକ ମୁଦ୍ରାନୀତି ସମୀକ୍ଷା କରିଥିଲେ। ବୈଠକ ପରେ ଗଭର୍ଣ୍ଣର ଶକ୍ତି କାନ୍ତ ଦାଶ ସାଂପ୍ରତିକ ଭୂ-ରାଜନୈତିକ ପରିସ୍ଥିତି କାରଣରୁ ଖାଦ୍ୟ ସାମଗ୍ରୀ ମୂଲ୍ୟରେ ହୋଇଥିବା ଅଭିବୃଦ୍ଧି ଘରୋଇ ବଜାରକୁ ମଧ୍ୟ ପ୍ରଭାବିତ କରୁଛି ବୋଲି କହିଥିଲେ।