ନୂଆଦିଲ୍ଲୀ: ଦରବୃଦ୍ଧିରୁ ସାଧାରଣ ଜନତାଙ୍କୁ ଆଶ୍ବସ୍ତି। ସିପିଆଇ ଆଧାରିତ ଖୁଚୁରା ମୁଦ୍ରାସ୍ଫୀତି ୨୦୨୪ ମାର୍ଚ୍ଚରେ ହ୍ରାସ ପାଇ ୪.୮୫ ପ୍ରତିଶତକୁ ଖସିଛି। ଯାହାକି ଗତ ୫ ମାସରେ ଖୁଚୁରା ମୁଦ୍ରାସ୍ଫୀତି ହାରର ସର୍ବନିମ୍ନ ସ୍ତର। ଯେତେବେଳେକି ପୂର୍ବରୁ ଫ୍ରେବୁଆରୀରେ ମୁଦ୍ରାସ୍ଫୀତି ୫.୦୯% ରହିଥିଲା।
ଶୁକ୍ରବାର, ଏନଏସଓ ତରଫରୁ ଜାରି ତଥ୍ୟ, ଖୁଚୁରା ମୁଦ୍ରାସ୍ଫୀତି ମାର୍ଚ୍ଚରେ ବାର୍ଷିକ ଆଧାରରେ ୦.୨୪ ପ୍ରିଶତ ହ୍ରାସ ହୋଇଛି। ଏହା ପୂର୍ବରୁ ୨୦୨୩ ଅକ୍ଟୋବରରେ ଖୁଚୁରା ମୁଦ୍ରାସ୍ଫୀତି ହାର ସର୍ବନିମ୍ନ ୪.୮୭ ପ୍ରତିଶତ ରହିଥିଲା।
ଆହୁରି ପଢ଼ନ୍ତୁ:
ଭାରତର ଜିଡିପି ୨୦୨୪ରେ ୬.୧ ପ୍ରତିଶତ ବଢିବ: ମୁଡିଜ୍ ଆନାଲିଟିକ୍ସ
ସେହିଭଳି ଖାଦ୍ୟ ମୁଦ୍ରାସ୍ଫୀତି ହାର ୮.୬୬%ରୁ କମି ୮.୫୨ ପ୍ରତିଶତ ହୋଇଛି। ଆହୁରି ମଧ୍ୟ ଗ୍ରାମୀଣ ମୁଦ୍ରାସ୍ଫୀତି ହାର ୫.୩୪ ପ୍ରତିଶତରୁ ବଢ଼ି ୫.୪୫%କୁ ଖସିଛି। ସହରୀ ମୁଦ୍ରାସ୍ଫୀତି ୪.୭୮%ରୁ ଖସି ୪.୧୪%କୁ ଆସିଛି। ଉଲ୍ଲେଖଯୋଗ୍ୟ, ରିଜର୍ଭ ବ୍ୟାଙ୍କ ଚଳିତ ଆର୍ଥିକ ବର୍ଷ ପାଇଁ ଖୁଚୁରା ମୁଦ୍ରାସ୍ଫୀତି ୪.୫ ପ୍ରତିଶତ ରହିବା ନେଇ ଅନୁମାନ କରିଛି।
