ପୁରୀ ୮|୫: ରଥଖଳାର ଦୁଇ ଶହ ଫୁଟ ପର୍ଯ୍ୟନ୍ତ ନିଷିଦ୍ଧାଞ୍ଚଳ । ଶ୍ରୀମନ୍ଦିର ଭକ୍ତ ନିବାସରେ ରହିବେ ସମସ୍ତ ସେବାୟତ । ସମସ୍ତଙ୍କର ନିୟମିତ ବ୍ୟବଧାନରେ କରାଯିବ ସ୍ବାସ୍ଥ୍ୟ ପରୀକ୍ଷା କରାଯିବ । ଭକ୍ତ ନିବାସରେ ରହିବା, ଖାଇବା ସହ ସମସ୍ତ ବ୍ୟବସ୍ଥା କରାଯିବ । ଘରକୁ ଯିବେନାହିଁ ମହାରଣା ସେବାୟତ । ଏନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ସୂଚନା ଦେଇଛନ୍ତି । ସଂକ୍ରମିତ ଆଶଙ୍କାକୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ଏଭଳି ନିଷ୍ପତ୍ତି ନେଇଛି ।

{"id":266599,"sizeSlug":"large"}

ସୂଚନାଯୋଗ୍ୟ ଯେ ଆଜିଠାରୁ ଆରମ୍ଭ ହୋଇଛି ରଥ ନିର୍ମାଣ କାମ । ସକାଳ ୮ରୁ ଆରମ୍ଭ ହୋଇଛି ନିର୍ମାଣ କାମ । ଭୋଇ ସେବକମାନେ ସେମାନଙ୍କ କାମ ଆରମ୍ଭ କରିଛନ୍ତି । ରଥ ନିର୍ମାଣ ପାଇଁ କେନ୍ଦ୍ର ସରକାର  ଗ୍ରୀନ୍ ସିଗନାଲ୍ ଦେବା ପରେ କାମ ଆରମ୍ଭ ହୋଇଛି। 

{"id":266600,"sizeSlug":"large"}

ଗତକାଲି କେନ୍ଦ୍ର ସରକରଙ୍କ ଅନୁମତି ମିଳିବା ପରେ ଜିଲ୍ଲପାଳଙ୍କ ଅଧ୍ୟକ୍ଷତାରେ ଏକ ବୈଠକରେ ରଥ ନିର୍ମାଣ ନେଇ ନିଷ୍ପତ୍ତି ନିଆଯାଇଛି । ସକାଳ ୮ଟାରୁ ରାତି ୧୦ଟା ପର୍ଯ୍ୟନ୍ତ ସବୁ ଦିନ ରଥ ଖରାରେ ରଥ ନିର୍ମାଣ କାମ ଚାଲିବ । ସାମାଜିକ ଦୂରତାରକ୍ଷାକୁ ବିଶେଷ ଗୁରୁତ୍ବ ଦିଆଯିବ ବୋଲି ଜଣାପଡିଛି ।

{"id":266603,"sizeSlug":"large"}

ତେବେ ରଥ ଖଳାରେ ଧାର୍ମିକ ଏକତ୍ରିକରଣ ହୋଇପାରିବ ନାହିଁ । ସାମାଜିକ ଦୂରତା ବଜାୟ ରଖି ହୋଇପାରିବ ରଥ ନିର୍ମାଣ କାମ । ତେବେ ରଥଯାତ୍ରା ହେବ କି ନାହିଁ ସେତେବେଳର ପରିସ୍ଥିତି ଦେଖି ନିଷ୍ପତ୍ତି ନେବେ ରାଜ୍ୟ ସରକାର ।