Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ମୁଖବାସ ପାଇଁ ଚିନି ବଦଳରେ କଷ୍ଟିକ୍‌ ସୋଡା ଦେଲା ଓ୍ବେଟର, ୪ ବର୍ଷୀୟ ଶିଶୁ ଆଇସିୟୁରେ ଭର୍ତ୍ତି

24/12/2020 at 6:26 PM

ପୁନେ ୨୪/୧୨:  ରେସ୍ତୋରାଁର ଜଣେ ଓ୍ବେଟରଙ୍କ ଛୋଟିଆ ଭୁଲ ପାଇଁ ୪ ବର୍ଷର ଛୁଆ ଆଇସିୟୁ​‌ରେ ଭର୍ତ୍ତି। ଖାଇବା ପରେ ମାଉଥ୍‌ ଫ୍ରେସନର ବଦଳରେ ଓ୍ବେଟର ଧରାଇଥିଲେ ଓ୍ବା ସିଂ ସୋଡା (କଷ୍ଟିକ୍‌ ସୋଡ଼ା) ବୋତଲ। ଛୋଟ ପିଲାଟି ଚିନି ଭାବି ଓ୍ବାସିଂ ସୋଡ଼ା ଖାଇଦେବାରୁ ଗୁରୁତର ହୋଇଥିଲା। ପରେ ତାକୁ ଡାକ୍ତରଖାନା ନିଆଯାଇଥିଲେ ବି ସ୍ବାସ୍ଥ୍ୟବସ୍ଥା ବିଗିଡ଼ିବାରୁ ତାକୁ ଆଇସିୟୁରେ ଭର୍ତ୍ତି କରାଯାଇଥିବା ଜଣାପଡ଼ିଛି।

ଏଭଳି ଏକ ଅଭାବନୀୟ ଘଟଣା ପୁନେର ଏକ ରେସ୍ତୋରାଁରେ ଘଟିଛି। ଘଟଣାଟି ରବିବାର ଦିନ ଘଟିଥିବା ବେଳେ ପିଲାଟି ନିଜ ବଡ଼ ଭାଇ ଓ ଜେଜେଙ୍କ ସହ ବିଶ୍ବ ହୋଟେଲ୍‌ ନାମକ ଏକ ରେସ୍ତୋରାଁ ଯାଇଥିଲା ବୋଲି ଜଣାପଡ଼ିଛି। ତିନି ଜଣ ଖାଇ ସାରିବା ପରେ ମୁଖବାସ୍‌ ପାଇଁ ଛୋଟ ପିଲାଟି ଚିନି ମାଗିଥିଲା। ଓ୍ବେଟେର ଦେଇଥିବା ବଟଲରୁ ଯେମିତି କିଛି ନେଇ ପାଟିରେ ପକାଇଛି ଛୋଟ ପିଲାଟିର ଜିଭ ଜଳିଯାଇଥିଲା। ଯନ୍ତ୍ରଣାରେ ଚିତ୍କାର କରିବାରୁ ତା ଜେଜେ ବାପା ହସ୍ପିଟାଲ ନେଇଥିଲେ। ସେଠାରେ ଡାକ୍ତର ପ୍ରଥମେ ଏଣ୍ଡୋସ୍କୋପି କରିଥିଲେ।

ହିନ୍ଦୁସ୍ତାନ ଟାଇମ୍ସରେ ପ୍ରକାଶିତ ଖବର ଅନୁଯାୟୀ, ଛୋଟ ପିଲାଟି ନିଜ ବଡ଼ ଭାଇ ଓ ଜେଜେ ବାପାଙ୍କ ସହ ସନ୍ଧ୍ୟା ୬.୩୦-୬.୪୫ରେ ରେସ୍ତୋରାଁ ଯାଇଥିଲେ ବୋଲି ତାଙ୍କ ମା କହିଛନ୍ତି। ପିଲାଟି ଚିନି ମାଗିବାରୁ ଓ୍ବେଟର ଏକ ବୋତଲ ଦେଇଥିଲେ। ସେଥିରୁ କିଛି ପାଟିକୁ ନେବା ପରେ ପିଲାଟି ଚିତ୍କାର କରିଥିଲା ବୋଲି ତାଙ୍କ ମା କହିଛନ୍ତି।

ଏହି ଘଟଣା ପରେ ପୋଲିସ ରେସ୍ତୋରାଁ ମାଲିକ ଓ ଓ୍ବେଟର ବିରୋଧରେ ମାମଲା ରୁଜୁ କରିଛି। ଏବେ ଯାଏଁ ସମ୍ପୃକ୍ତ ଓ୍ବେଟରର ପତ୍ତା ମିଳି ନଥିବା ବେଳେ ସିସିଟିଭି ଆଧାରରେ ଅଭିଯୁକ୍ତ ପୋଲିସ ଖୋଜୁଥିବା ଜଣାପଡ଼ିଛି।

   Related Posts