ନୂଆଦିଲ୍ଳୀ, ୦୩/୦୩: ଆମାଜନ ପେ ଉପରେ ଆରବିଆଇର କଡ଼ା କାର୍ଯ୍ୟାନୁଷ୍ଠାନ। ଆମାଜନ ପେ ଇଣ୍ଡିଆ ଉପରେ ଭାରତୀୟ ରିଜର୍ଭ ୩.୦୬ କୋଟିର ଆର୍ଥିକ ଜରିମାନା ଲଗାଇଛି। ଏନେଇ ଆରବିଆଇ ଶୁକ୍ରବାର କହିଛି ଯେ ସେ ଆମାଜନ ପେ (ଇଣ୍ଡିଆ) ପ୍ରାଇଭେଟ୍‌ ଲିମିଟେଡ ଉପରେ ୩.୦୬ କୋଟି ଟଙ୍କାରୁ ଅଧିକ ଜରିମାନା ଲଗାଇଛି। ଏହି ଜରିମାନା ପ୍ରିପେଡ ଦେୟ ଉପକରଣ (ପିପିଆଇ) ଏବଂ ଏହାର ଗ୍ରାହକଙ୍କୁ ଜାଣିବା (କେଓ୍ବାଇସି) ସହ ଜଡ଼ିତ କିଛି ନିୟମର ପାଳନ ନ କରିବା ପାଇଁ ଲଗାଇଛି।

ଆରବିଆଇ ଆମାଜନ ପେ (ଇଣ୍ଡିଆ) କୁ ଏକ କାରଣ ଦର୍ଶାଅ ନୋଟିସ୍‌ ଜାରି କରିଥିଲା। ଆମାଜନ ପେ ର ଉତ୍ତରକୁ ବିଚାର କରିବା ପରେ ଆରବିଆଇ ଏହି ନିଷ୍ପତ୍ତିରେ ପହଞ୍ଚିଥିଲା ଯେ ସଂସ୍ଥା ନିୟମର ପାଳନ କରିନଥିଲା ଏବଂ ତାହା ଉପରେ ଆର୍ଥିକ ଜରିମାନା ଲଗାଇଥିଲା।

ଅବଶ୍ୟ କେନ୍ଦ୍ରୀୟ ବ୍ୟାଙ୍କ୍‌ କହିଛି ଯେ ଏହି ଜରିମାନା ନିୟମ ମାନିନଥବା କାରଣରୁ ଲଗାଯାଇଛି ଏବଂ ଏହାର ଉଦ୍ଦେଶ୍ୟ ଆମାଜନ ପେ ଇଣ୍ଡିଆକୁ ଏହାର ଗ୍ରାହକଙ୍କ ସହ କରାଯାଇଥିବା କୌଣସି ନେଣଦେଣର ବୈଧତା ଉପରେ ଟିପ୍ପଣୀ କରାଯିବ ନାହିଁ।