ମାଲାଗା ୨୦/୧ : ପାହାଡିଆ ଅଂଚଳରେ ଏକ ଦୁଇ ବର୍ଷର ଶିଶୁ ଗତ ୭ଦିନ ହେଲା ଏକ ଗଭୀର ଗାତରେ ଫସି ଯାଇଛି | ଗାତର ଗଭୀର ୨୫୦ ଫୁଟ | ଶିଶୁ ବଞ୍ଚାଇବା ପାଇଁ ଦୁନିଆ ସାରା ଲୋକ ପ୍ରାର୍ଥନା କରୁଛନ୍ତି | ଶିଶୁକୁ ଉଦ୍ଧାର କରିବା ପାଇଁ ପାୱାରଫୁଲ ମେସିନ ସାହାଯ୍ୟରେ ସୁଡ଼ଙ୍ଗ ଖୋଳା ଚାଲିଛି |

{"id":76201}

ଘଟଣା ସ୍ପେନର ମାଲାଗା ଅଂଚଳର | ଗାତ ରବିବାର ଦିନ ଜୁଲେନ ରୋସେଲୋ ନାମକ ଏକ ଶିଶୁ ଅଚାନକ ଗାୟବ ହୋଇଯାଇଥିଲା | ସେତେବେଳେ ଶିଶୁର ବାପା ଘରଲୋକଙ୍କ ପାଇଁ ରୋଷେଇ କରୁଥିଲେ | ଅଚାନକ ଶିଶୁ ଗାୟବ ହୋଇଯିବ ପରେ ଘରଲୋକ ଖୋଜାଖୋଜି କରିଥିଲେ | ଆଖପାଖ ଅଂଚଳରେ ପଚରାଉଚୁରା କରୁଥିଲେ |

{"id":76202}

କେଉଁଠି ହେଲା ଶିଶୁର ପତ୍ତା ମିଳିଲାନାହିଁ | କିଛି ସମୟ ପରେ ଜଣାପଡିଲା ଯେ, ଶିଶୁ ସେହି ଗାତରେ ପଡି ଯାଇଛି |

{"id":76203}

ଖବର ସ୍ଥାନୀୟ ଅଂଚଳରେ ଚାଞ୍ଚଲ୍ୟ ଖେଳାଇ ଦେଇଥିଲା | ଉଦ୍ଧାରକାରୀ ଦଳ ଆସି ଘଟଣାସ୍ଥଳରେ ପହଂଚିଥିଲେ | ଶିଶୁକୁ ଗାତରୁ ବାହାର କରିବା ପାଇଁ ପ୍ରଥମେ ଏକ ପ୍ରୟାସ କରାଯାଇଥିଲା |

{"id":76204}

ତେବେ ପ୍ରଥମ ଚେଷ୍ଟାରେ ଉଦ୍ଧାରକାରୀ ଦଳ ଅସଫଳ ହୋଇଥିଲେ | ଏହାପରେ ଦ୍ୱିତୀୟ ସୁଡ଼ଙ୍ଗ ଖୋଳିବା କାମ ଆରମ୍ଭ କରିଥିଲେ | ଆଜି ଯେକୌଣସି ମୁହୂର୍ତ୍ତରେ ଶିଶୁକୁ ଉଦ୍ଧାର ହେବ ବୋଲି ଆଶା କରାଯାଉଛି |

{"id":76205}

ଏପର୍ଯ୍ୟନ୍ତ ଶିଶୁର କିଛି ସଂକେତ ମିଳିପାରିନାହିଁ | ଶିଶୁର କିଛି ଚୁଟି ମିଳିଥିଲା | ଡିଏନଏ ଟେଷ୍ଟରେ ପ୍ରମାଣିତ ହୋଇଥିଲା ଯେ, ଚୁଟି ଜୁଲେନର |

{"id":76206}

ସ୍ପେନର ସବୁଠାରୁ ପାୱାରଫୁଲ ମେସିନ ସାହାଯ୍ୟରେ ସୁଡ଼ଙ୍ଗ ଖୋଳାଯାଉଛି | ସୁଡ଼ଙ୍ଗ ଖୋଳା ଯିବାପରେ କିଛି ଲୋକଙ୍କୁ ଭିତରକୁ ପଠାଯିବ | ଏହାପରେ ସେମାନେ ହାତରେ ୧୩ ଫୁଟ ଲମ୍ବର ଅନ୍ୟ ଏକ ସୁଡ଼ଙ୍ଗ ଖୋଳିବେ | ଉଦ୍ଧାରକାରୀ ଦଳ ଶିଶୁକୁ ସକୁଶଳ ଉଦ୍ଧାର କରିବେ ବୋଲି ଆଶା କରାଯାଉଛି |

{"id":76207}