scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଫାସଟାଗ୍ ନଥିବା ଗାଡ଼ି ଚାଳକଙ୍କୁ ଆଶ୍ୱସ୍ତି – ଡିସେମ୍ୱର ୧୫ ତାରିଖ ପର୍ଯ୍ୟନ୍ତ ଅବଧି ବଢ଼ାଇଲେ ସରକାର

29/11/2019 at 11:18 PM

ଭୁବନେଶ୍ୱର ୨୯।୧୧ – ଫାସଟାଗ୍ ନଥିବା ଗାଡ଼ି ଚାଳକଙ୍କୁ ଆଶ୍ୱସ୍ତି । ଡିସେମ୍ୱର ୧୫ ତାରିଖ ପର୍ଯ୍ୟନ୍ତ ଅବଧି ବଢ଼ାଇଲେ ସରକାର । ନ୍ୟାସନାଲ ହାଇୱେର ଟୋଲ୍ ପ୍ଲାଜାରେ ଡିସେମ୍ୱର ୧ ରୁ ଫାସଟାଗ୍ ବାଧ୍ୟତାମୂଳକ କରାଯାଇଥିଲ। । କେନ୍ଦ୍ର ସରକାର ଏଥିରେ ୧୫ ଦିନର ରିହାତି ପ୍ରଦାନ କରିଛନ୍ତି । ସରକାରଙ୍କ ଏହି ନିଷ୍ପତ୍ତି ପରେ ଏବେ ଡିସେମ୍ୱର ୧୫ ତାରିଖରୁ ଟୋଲ୍ ପ୍ଲାଜା ଦେଇ ଯାଉଥିବା ୪ ଚକିଆ ଓ ତାଠୁ ଅଧିକ ଚକ ଥିବା ଗାଡି ପାଇଁ ଫାସଟାଗ୍ ବାଧ୍ୟତାମୂଳକ ହେବ । ଆଜି ପରିବହନ ଏବଂ ରାଷ୍ଟ୍ରୀୟ ରାଜମାର୍ଗ ମନ୍ତ୍ରାଳୟ ଏହି ସମ୍ୱନ୍ଧରେ ଏକ ବିଜ୍ଞପ୍ତି ଜାରି କରି ସୂଚନା ଦେଇଛି । ଡିସେମ୍ୱର ୧୫ ପରେ ଫାସଟାଗ୍ ଥିବା ଲେନରୁ ଯଦି ବିନା ଫାସଟାଗ୍ ଥିବା ଗାଡ଼ି ଯାଏ ତେବେ ତାଙ୍କୁ ଦ୍ୱିଗୁଣିତ ଟୋଲ୍ ଦେବାକୁ ପଡ଼ିବ । ଡିସେମ୍ୱର ୧୫ ପର୍ଯ୍ୟନ୍ତ ଏନ୍.ଏଚ୍.ଏ.ଆଇ ତରଫରୁ ଏହା ମାଗଣାରେ ବଣ୍ଟା ଯାଉଛି ।

ଫାଷ୍ଟ୍ୟାଗ ଏକ ଉପକରଣ ଯାହା ମାଧ୍ୟମରେ ଆପଣ ଟୋଲ ପ୍ଲାଜାରେ ନ ଅଟକି ଟୋଲ ଟ୍ୟାକ୍ସ ଦେଇପାରିବେ । ଏଥିପାଇଁ ଆପଣଙ୍କୁ ଆପଣଙ୍କର ଗାଡିରେ ଫାଷ୍ଟ୍ୟାଗ ଲଗାଇବାକୁ ହେବ । ଗାଡିର ୱିଣ୍ଡସ୍କ୍ରିନରେ ଏହାକୁ ଲଗାଯାଏ । ଏଥିରେ ରେଡିଓ ଫ୍ରିକ୍ବେନ୍ସି ଆଡେଣ୍ଟିଫିକେସନ ମାନେ RFID  ଲଗାଯାଇଥାଏ । ଯେମିତି ଆପଣଙ୍କ ଗାଡି ଟୋଲପ୍ଲାଜା ନିକଟରେ ପହଞ୍ଚିବ ସେତେବେଳେ ଟୋଲ ପ୍ଲାଜାରେ ଥିବା ସେନସର ଗାଡିର ୱିଣ୍ଡସ୍କ୍ରିନରେ ଲାଗିଥିବା ଫାଷ୍ଟ୍ୟାଗ ସମ୍ପର୍କରେ ଆସିବାମାତ୍ରେ ଟୋଲ ପ୍ଲାଜାରେ ଦେବାକୁ ଥିବା ଦେୟ ଫାଷ୍ଟ୍ୟାଗ ଆକାଉଣ୍ଟରୁ କଟିଯିବ । ଫାଷ୍ଟ୍ୟାଗର ଏକ ପ୍ରି ପେଡ ଆକାଉଣ୍ଟ ରହିଥାଏ, ଯେମିତି ଆପଣ ମୋବାଇଲ ଆକାଉଣ୍ଟ ରିଚାର୍ଜ କରନ୍ତି । ସେମିତି ଫାଷ୍ଟ୍ୟାଗ ଆକାଉଣ୍ଟକୁ ରିଚାର୍ଜ କରିବାକୁ ପଡିବ । ଆପଣ କ୍ରେଡିଟ କାର୍ଡ, ଡେବିଟ କାର୍ଡ, ଇଣ୍ଟରନେଟ ବ୍ୟାଙ୍କି ମାଧ୍ୟମରେ ଅନଲାଇନରେ ଫାଷ୍ଟ୍ୟାଗ ଆକାଉଣ୍ଟ ରିଚାର୍ଜ କରିପାରିବେ । ଫାଷ୍ଟ୍ୟାଗର ଆକାଉଣ୍ଟରେ ଅତି କମରେ ଶହେ ଟଙ୍କା ଓ ସର୍ବାଧିକ ୧ ଲକ୍ଷ ଟଙ୍କା ରିଚାର୍ଜ କରିପାରିବେ । ଆପଣ ଏହି ଫାଷ୍ଟ୍ୟାଗକୁ ଅନ୍ ଲାଇନ୍ ଓ ଅଫ୍ ଲାଇନରେ ବନେଇ ପାରିବେ । ଆପଣ ଯେକୌଣସି ପେଟ୍ରୋଲ ପମ୍ପରୁ ଅଫ୍ ଲାଇନରେ ଫାଷ୍ଟ୍ଯାଗ ଆକାଉଣ୍ଟ ବନାଇ ପାରିବେ । ଅନ୍ ଲାଇନ୍ ଆକାଉଣ୍ଟ ପାଇଁ ଅନେକ ବ୍ୟାଙ୍କ ଏହି ସୁବିଧା ଯୋଗାଉଛନ୍ତି ।….

   Related Posts