ନୂଆଦିଲ୍ଲୀ ୧୮।୪: ଏୟାରଟେଲ, ଭୋଡା-ଆଇଡିଆ ପରେ ବର୍ତ୍ତମାନ ଜିଓ ମଧ୍ୟ ଏହାର ପ୍ରିପେଡ୍ ବ୍ୟବହାରକାରୀଙ୍କ ବୈଧତାକୁ ମେ ୩ ପର୍ଯ୍ୟନ୍ତ ବୃଦ୍ଧି କରିଛି । ବୈଧତା ବଢାଇବା ପରେ, ଜିଓର ପ୍ରିପେଡ୍ ଗ୍ରାହକମାନେ ପୁରୁଣା ଯୋଜନାର ବୈଧତା ସମାପ୍ତ ହେବା ପରେ ମଧ୍ୟ ଇନକମିଂ କଲ୍ ଗ୍ରହଣ କରିବେ । ଜିଓ ଏକ ବିବୃତ୍ତିରେ କହିଛି ଯେ ଏହା କେବଳ ସ୍ବଳ୍ପ ଆୟକାରୀ ଉପଭୋକ୍ତାଙ୍କୁ ନୁହେଁ, ବରଂ ପ୍ରତ୍ୟେକ ଉପଭୋକ୍ତାଙ୍କ ପାଇଁ ଉପଲବ୍ଧ ଯେଉଁମାନେ କୌଣସି କାରଣରୁ ଆକାଉଣ୍ଟ ରିଚାର୍ଜ କରିବାକୁ ଅସମର୍ଥ ହେବେ । ଏଥିସହ କମ୍ପାନୀ ଅପ୍ରେଲ ୨୦ରୁ ଅଧିକାଂଶ ଖୁଚୁରା ଆଉଟଲେଟ୍ ଖୋଲିବା ଆରମ୍ଭ କରିବ ବୋଲି ସୂଚନା ଦେଇଛି । ସରକାରଙ୍କ ପକ୍ଷରୁ ନୂତନ ନିର୍ଦ୍ଦେଶାବଳୀ ପ୍ରକାଶ ପାଇବା ପରେ ଏହି ନିଷ୍ପତ୍ତି ନିଆଯାଇଛି ।

ଏହାପୂର୍ବରୁ ଭୋଡାଫୋନ୍-ଆଇଡିଆ ଏହାର ଗ୍ରାହକଙ୍କ ବୈଧତା ବୃଦ୍ଧି କରିବାକୁ ଘୋଷଣା କରିଛି । ଯେଉଁମାନେ ଲକ୍ ଡାଉନ୍ କାରଣରୁ ସେମାନଙ୍କ ଆକାଉଣ୍ଟ ରିଚାର୍ଜ କରିବାକୁ ଅସମର୍ଥ । ସେହିଭଳି ଭାରତ ଏୟାରଟେଲ ଏହାର ପ୍ରାୟ ୩୦ ନିୟୁତ ଗ୍ରାହକଙ୍କ ବୈଧତା ମେ ୩ ପର୍ଯ୍ୟନ୍ତ ବୃଦ୍ଧି କରିବାକୁ ନିଷ୍ପତ୍ତି ନେଇଛି, ଯେଉଁମାନେ ସେମାନଙ୍କ ଆକାଉଣ୍ଟ ରିଚାର୍ଜ କରିବାକୁ ସକ୍ଷମ ନୁହଁନ୍ତି । ସୂଚନାଯୋଗ୍ୟ ଯେ, ଲକ୍ ଡାଉନ୍ ପ୍ରଥମ ପର୍ଯ୍ୟାୟର ଅବଧି ଅପ୍ରେଲ ୧୪ ପର୍ଯ୍ୟନ୍ତ ରଖାଯାଇଥିଲା ଏବଂ ବର୍ତ୍ତମାନ ଏହା ମେ ୩ ପର୍ଯ୍ୟନ୍ତ ବୃଦ୍ଧି କରାଯାଇଛି ।

ସମସ୍ତ ଟେଲିକମ୍ କମ୍ପାନୀ ଏବେ ନମ୍ବର ରିଚାର୍ଜ କରିବା ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ଡିଜିଟାଲ ପ୍ଲାଟଫର୍ମ ମାଧ୍ୟମରେ ଅନ୍ୟ ଗ୍ରାହକଙ୍କ ଆକାଉଣ୍ଟକୁ ରିଚାର୍ଜ କରିବା ଉପରେ କମ୍ପାନୀଗୁଡିକ କ୍ୟାସବ୍ୟାକ୍ ମଧ୍ୟ ଦେଉଛନ୍ତି । ସେହି ଆକାଉଣ୍ଟଗୁଡିକର ରିଚାର୍ଜ ଉପରେ ଏହି କ୍ୟାସବ୍ୟାକ୍ ଅଫର୍ ଦିଆଯାଉଛି, ଯାହା ଡିଜିଟାଲ୍ ପ୍ଲାଟଫର୍ମ ମାଧ୍ୟମରେ ସେମାନଙ୍କ ନମ୍ବର ରିଚାର୍ଜ କରିବାକୁ ସକ୍ଷମ ନୁହେଁ ।

ବର୍ତ୍ତମାନ ଜିଓ ଗୁଗୁଲ୍ ପ୍ଲେ ଷ୍ଟୋରରେ JioPOS ଲାଇଟ୍ ଆପ୍ ଲଞ୍ଚ କରିଛି, ଯାହା ଦ୍ବାରା ଉପଭୋକ୍ତାମାନେ ଅନ୍ୟମାନଙ୍କର ରିଚାର୍ଜ କରି ପ୍ରତ୍ୟେକ ରିଚାର୍ଜରେ ୪ ପ୍ରତିଶତ କ୍ୟାସବ୍ୟାକ୍ ପାଇପାରିବେ । ଯେଉଁମାନେ ମୋବାଇଲ୍ ଆକାଉଣ୍ଟ୍ ରିଚାର୍ଜ କରିବାକୁ ଅସୁବିଧାର ସମ୍ମୁଖୀନ ହେଉଛନ୍ତି ସେମାନଙ୍କୁ ସାହାଯ୍ୟ କରିବାକୁ ଟେଲିକମ୍ କମ୍ପାନୀଗୁଡିକ ମଧ୍ୟ ବ୍ୟାଙ୍କଗୁଡିକର ସହାୟତା ନେବା ଆରମ୍ଭ କରିଛନ୍ତି । ଏୟାରଟେଲ୍ ଏକ ନୂତନ ସୁବିଧା ଲଞ୍ଚ କରିଛି, ଯାହା ଦ୍ବାରା ଗ୍ରାହକମାନେ କେତେକ ଏଟିଏମ୍, ଡାକଘର, ଗ୍ରୋସରୀ ଷ୍ଟୋର୍ ଏବଂ ଡ୍ରଗ୍ ଷ୍ଟୋର୍‌ରୁ ସେମାନଙ୍କ ଆକାଉଣ୍ଟ୍ ରିଚାର୍ଜ କରିପାରିବେ।