ନୂଆଦିଲ୍ଲୀ ୭।୩: ହୋଲି ଅବସରରେ ରାଜଧାନୀ ଦିଲ୍ଲୀରେ ମଦ ବିକ୍ରି ରେକର୍ଡ ଭାଙ୍ଗିଛି। ରବିବାର ଓ ସୋମବାର ଦୁଇ ଦିନରେ ପ୍ରାୟ ୪୦ ଲକ୍ଷ ମଦ ବୋତଲ ଲୋକେ କିଣିନେଇଛନ୍ତି। ବିଭାଗୀୟ ଅଧିକାରୀଙ୍କ ଅନୁସାରେ ମଦ ବିକ୍ରି ଆଶାନୁରୂପ ରହିଛି। ତେବେ ଏହି ବିକ୍ରି ସାଧାରଣ ଦିନ ଅପେକ୍ଷା ବହୁତ ଅଧିକ ବୋଲି କହିଛନ୍ତି। ରବିବାର ଓ ସୋମବାର ପୂର୍ବରୁ ଦିଲ୍ଲୀରେ ଦୈନିକ ୧୨ରୁ ୧୩ ଲକ୍ଷ ବୋତଲ ମଦ ବିକ୍ରି ହୋଇଥାଏ। ଅଧିକାରୀଙ୍କ ଅନୁସାରେ କୋଭିଡ ପରେ ଜାତୀୟ ରାଜଧାନୀରେ ପ୍ରଥମ ଥର ରେକର୍ଡ ପରିମାଣର ମଦ ବିକ୍ରି ହୋଇଛି।

ଅଧିକାରୀଙ୍କ ସୂଚନା ଅନୁସାରେ ରାଜଧାନୀ ଦିଲ୍ଲୀରେ ପାଖାପାଖି ୬୦୦ ବ୍ରାଣ୍ଡ ମଦ କରବାର ପାଇଁ ପଞ୍ଜିକୃତ ଥିଲେ। ଅର୍ଥାତ ରାଜଧାନୀରେ ଲୋକଙ୍କ ଲାଗି ୬୦୦ଟି ବ୍ରାଣ୍ଡ ଆଭେଲେବଲ ହେଉଥିଲା। ଯହା ଚଳିତବର୍ଷ ୯୫୦କୁ ପହଞ୍ଚି ଯାଇଛି। ତଥ୍ୟ ମୁତାବକ ରାଜଧାନୀରେ ଦିଲ୍ଲୀରେ ଏବେ ୯୬୦ଟି ବ୍ରାଣ୍ଡ ରେଜିଷ୍ଟ୍ରେଡ ଅଛନ୍ତି। ଯେଉଁଥିରେ ବିଦେଶୀ ସହିତ ଦେଶୀ ବ୍ରାଣ୍ଡ ବି ରହିଛି। ସମସ୍ତ ବ୍ରାଣ୍ଡ ଦିଲ୍ଲୀର ୫୬୦ ମଦ ଦୋକାନରେ ଉପଲବ୍ଧ ହେଉଛି।

ଦିଲ୍ଲୀ ଏକ୍ସାଇଜ ଡିପାର୍ଟମେଣ୍ଟ ଅନୁସାରେ ହୋଲି ଅବସରରେ ଜାତୀୟ ରାଜଧାନୀରେ ଲୋକଙ୍କୁ ମଦ ଯେପରି ଅଭାବ ନପଡେ ସେଥିଲାଗି ହୋଲସେଲ ଓ ରିଟେଲ ଦୋକାନ ଲାଗି ହ୍ୱିସ୍କି ଓ ବିୟରର ୧କୋଟି ବୋତଲ ମହଜୁଦ କରାଯାଇଥିଲା। ଅର୍ଥାତ ସରକାର ଓ ବିଭାଗ ପ୍ରଥମରୁ ହୋଲି ବମ୍ପର ସେଲ ଲାଗି ପ୍ରସ୍ତୁତି କରିନେଇଥିଲେ। ଉଲ୍ଲେଖଯୋଗ୍ୟ ଯେ ଦିଲ୍ଲୀରେ ବୁଧବାର ହୋଲି ଦିନ ଡ୍ରାଇ ଡେ ରହିବ। ଏଣୁ ସବୁ ମଦ ଦୋକାନ ବନ୍ଦ ରହିବ। ବଳକା ମଦ ମଙ୍ଗଳବାର ବିକ୍ରି ହୋଇଯିବ ବୋଲି ଦୋକାନୀମାନେ ଆଶା ବାନ୍ଧିଛନ୍ତି।