ନୂଆଦିଲ୍ଲୀ, ୧୩/୦୧: ଦେଶର ବିଭିନ୍ନ ସହରରେ ମୋବାଇଲ୍ ଆପ୍ ଜରିଆରେ ଋଣ ଦେବା ଏବଂ ଲୋକଙ୍କୁ ଠକିବା ଅଭିଯୋଗ ଆସିବାପରେ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) କଡ଼ା ପଦକ୍ଷେପ ଗ୍ରହଣ କରିଛନ୍ତି । ଏହି ମାମଲା ଗୁଡ଼ିକୁ ଦେଖିବା ପାଇଁ ୧୩ ଜାନୁଆରୀରେ ଏକ କାର୍ଯ୍ୟକାରୀ କମିଟି ଗଠନ କରାଯାଇଛି ।
ଆରବିଆଇର ସୂଚନା ମୁତାବକ ଅନଲାଇନ୍ ପ୍ଲାଟଫର୍ମ ଏବଂ ମୋବାଇଲ୍ ଆପ ଜରିଆରେ ଋଣ ଦେବା ସହିତ ଡିଜିଟାଲ୍ ଋଣ ଉପରେ ଏହି କାର୍ଯ୍ୟକାରୀ କମିଟି କାମ କରିବ । ଏହି କମିଟି ଲୋନ୍ ଦେବା ପକ୍ରିୟାକୁ ପରଖିବ ଏବଂ ଏହା ଉପରେ କିପରି ନିୟନ୍ତ୍ରଣ କରାଯାଇପାରିବ ସେ ନେଇ ବିଚାର କରିବ ।
କମିଟି ଡିଜିଟାଲ୍ ଋଣ ଦେଉଥିବା ଅନୁଷ୍ଠାନର ଗତିବିଧି ଉପରେ ନଜର ରଖିବ । ଫର୍ମ ପୂରଣ ଠାରୁ ଆରମ୍ଭ କରି ସମସ୍ତ ପ୍ରକାରର ପ୍ରୋସେସିଂକୁ ଅଧ୍ୟୟନ କରିବ । ଆରବିଆଇ ଏକ ବୟାନ ଜାରି କରି କହିଛନ୍ତି ଯେ, ବ୍ୟବସାୟିକ କ୍ଷେତ୍ରରେ ଡିଜିଟାଲ୍ ଋଣ ଏକ ଭଲ ପଦକ୍ଷେପ । କିନ୍ତୁ ଏଥିରେ ଅଧିକ ପରିମାଣରେ ଠକେଇ ହେବାର ଆଶଙ୍କା ରହିଛି । ଏହାଛଡ଼ା ଆପ୍ ଜରିଆରେ ଲୋନ୍ ଉପରେ ନଜର ରଖିବା ପାଇଁ ଏବଂ ତଥ୍ୟ ସୁରକ୍ଷା, ଗୋପନୀୟତା, ଉପଭୋକ୍ତା ସୁରକ୍ଷା ସୁନିଶ୍ଚିତ କରିବା ସହ କେନ୍ଦ୍ରୀୟ ବ୍ୟାଙ୍କ ନୂଆ ଡିଜିଟାଲ ଲୋନ୍ ଦେବାକୁ ସମର୍ଥନ କରୁଥିବା ଆରବିଆଇ କହିଛନ୍ତି।
