ମୁମ୍ବାଇ - ଆର୍ବିଆଇ ପଞ୍ଜାବ ଓ ମହାରାଷ୍ଟ୍ର କୋ ଅପରେଟିଭ୍ ବ୍ୟାଙ୍କର ଗ୍ରାହକଙ୍କ ପାଇଁ ଏକ ବଡ ଘୋଷଣା କରିଛି । ଏହି ବ୍ୟାଙ୍କର ଗ୍ରାହକମାନଙ୍କୁ ୧୦ ହଜାର ଟଙ୍କା ପର୍ଯ୍ୟନ୍ତ ନଗଦ ଟଙ୍କା ଉଠାଇ ପାରିବେ ବୋଲି ଅନୁମତି ଦେଇଛି ।
ପଞ୍ଜାବ ଓ ମହାରାଷ୍ଟ୍ର କୋ ଅପରେଟିଭ୍ ବ୍ୟାଙ୍କର ଗ୍ରାହକ ପ୍ରତିଦିନ ୧୦ ହଜାର ଟଙ୍କା ଉଠାଇ ପାରିବେ ।
ପୂର୍ବରୁ ଏହା କେବଳ ଏକ ହଜାର ଟଙ୍କା ଥିଲା । ଗତ ମଙ୍ଗଳବାରରେ ଆର୍ବିଆଇ ଏହି ବ୍ୟାଙ୍କରେ ଅନେକ ଅନିୟମିତତା ଯୋଗୁଁ ନଗଦ ଟଙ୍କା ଉଠାଣ ଓ ଅନ୍ୟ କାରବାର ଉପରେ କଟକଣା ଜାରି କରିଥିଲେ । ବ୍ୟାଙ୍କିଙ୍ଗ୍ ରେଗୁଲେସନ୍ ଆକ୍ଟ ୧୯୪୯ ଧାରା ୩୫ କ ଅନୁସାରେ ଆର୍ବିଆଇ ଏହି କଟକଣା ଲଗାଇଥିଲେ ।
ଏଥିଯୋଗୁଁ ଗ୍ରାହକମାନଙ୍କର ଅସୁବିଧା ବଢିଯାଇଥିଲା । ଗ୍ରାହକମାନେ ବ୍ୟାଙ୍କର ଶାଖାମାନଙ୍କ ବାହାରେ ପ୍ରଦର୍ଶନ କରିଥିଲେ । କଟକଣା ଅନୁସାରେ ଏବେ ଗ୍ରାହକମାନେ ସ୍ଥାୟୀ ଜମା ବା ଫିକ୍ସ ଡିପୋଜିଟ୍ର ଖାତା ବା ଆକାଉଣ୍ଟ ଖୋଲିପାରିବେ ନାହିଁ । ଏହା ବ୍ୟତୀତ ଅନେକ କଟକଣା ଆର୍ବିଆ ଲାଗୁ କରିଥିଲେ । ଆସନ୍ତା ୬ ମାସ ପର୍ଯ୍ୟନ୍ତ ଏହି କଟକଣା ଲାଗୁ ହେବ ।
