ନୂଆଦିଲ୍ଳୀ, ୭/୧୨: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ବୁଧବାର ଏହା ଦ୍ୱାରା ନିୟନ୍ତ୍ରିତ ବିଭିନ୍ନ ବଜାର ପାଇଁ ଟ୍ରେଡିଂ ସମୟ ବୃଦ୍ଧି କରିଛି। ନୂଆ ସମୟ ଅନୁଯାୟୀ ଏଣିକି ଟ୍ରେଡିଂ ସକାଳ ୯ ଟାରୁ ଅପରାହ୍ନ ୫ ଟା ପର୍ଯ୍ୟନ୍ତ ଜାରି ରହିବ। ଏହି ନୂତନ ସମୟ ଡିସେମ୍ବର ୧୨ ରୁ କାର୍ଯ୍ୟକାରୀ ହେବ।
ନୂଆ ସମୟ ଅନୁଯାୟୀ, କଲ୍/ନୋଟିସ/ଟର୍ମ ମନୀ ମାର୍କେଟ ଏଣିକି ୫ ଟାରେ ବନ୍ଦ ହେବ। ସେହିଭଳି କମର୍ସିଆଲ ପେପର ଏବଂ ସାର୍ଟିଫିକେଟ୍ ଡିପୋଜିଟ୍ ମଧ୍ୟ ୫ ଟା ପର୍ଯ୍ୟନ୍ତ ହୋଇପାରିବ। କର୍ପୋରେଟ୍ ବଣ୍ଡ୍ର ରେପୋ ମଧ୍ୟ ୫ ଟାରେ ବନ୍ଦ ହେବ।
ତେବେ ଏଭଳି ନିଷ୍ପତ୍ତି ପଛରେ ସାଧାରଣ ଅର୍ଥ କାରବାରକୁ ଧୀରେ ଧୀରେ ଅଗ୍ରସର ହେବାର ଏକ ଅଂଶ ଭାବରେ ଏହି ନିଷ୍ପତ୍ତି ନିଆଯାଇଥିବା କହିଛି ରିଜର୍ଭ ବ୍ୟାଙ୍କ୍।
{"id":718584,"sizeSlug":"full","linkDestination":"none"}
