ନୂଆଦିଲ୍ଲୀ: ବିଦେଶୀ ମୁଦ୍ରା କିଣିଲା ଭାରତୀୟ ରିଜର୍ଭ ବ୍ୟାଙ୍କ । ଡିସେମ୍ବର ୨ତାରିଖ ପରେ ପ୍ରାୟ ୮ ମିଲିୟନ ଆରବ ଡଲାର ମୁଦ୍ରା କିଣିଛି । ଯାହା ପୂର୍ବ ସପ୍ତାହରେ ସବୁ ବଡ଼ ବ୍ୟବସାୟ ବୋଲି କୁହାଯାଇଛି । କେନ୍ଦ୍ରୀୟ ବ୍ୟାଙ୍କ ବିଦେଶୀ ମୁଦ୍ରା କିଣି ମୁଦ୍ରା ଭଣ୍ଡାର ବଫରକୁ ମଜବୁତ କରିଛି । ସେହିପରି ମାର୍କେଟ୍ ମୁଦ୍ରା ସ୍ଥିତିରେ ସୁଧାର ଆଣିବା ପାଇଁ ୬୭ ହଜାର କୋଟି ଟଙ୍କା ଜାରି କରିଛି ।
ସୂଚନା ଅନୁଯାୟୀ, ସଞ୍ଚୟ ନଗଦ ବିକଳ୍ପ ଭଣ୍ଡାରକୁ ବିଦେଶୀ ମୁଦ୍ରା ଓ ବଣ୍ଡ୍ ମାଧ୍ୟମରେ ରୂପାନ୍ତର କରିବା ପାଇଁ ବ୍ୟବସ୍ଥା ହୋଇଛି । ଏହାକୁ ସୁନିଶ୍ଚିତ କରିବାକୁ ଆରବିଆଇ ସମନ୍ତରଳ ଭାବେ ୮ମିଲିୟନ ଡଲାର ବିଦେଶୀ ମୁଦ୍ରା କ୍ରୟ କରିଛି । ଯାହା ପୂର୍ଣ୍ଣ ମୂଲ୍ୟାଙ୍କନ କରିବାରେ ସହାୟକ ହେବ ।
ବାର୍କଲେସ୍ କ୍ୟାପିଟାଲର ମୁଖ୍ୟ ତଥା ଅର୍ଥନୀତିଜ୍ଞ ରାହୁଲ ବଜରିଆ କହିଛନ୍ତି, ମୁଦ୍ରା ବଜାରକୁ ବାଧା ନଦେଇ ଆରବିଆଇ କ୍ରମାଗତ ଭାବେ ଏହାର ସଂରକ୍ଷଣ କରିବା ଆବଶ୍ୟକ । ରିଜର୍ଭ ବ୍ୟାଙ୍କ ବହୁ ପରିମାଣର ଲିକ୍ୟୁଡିଟି ଚାହୁଁଛି। ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ବିଦେଶୀ ମୁଦ୍ରା ଭଣ୍ଡାର ଉପରେ ବିଶେଷ ଧ୍ୟାନ ଦେଉଛନ୍ତି । ଯଦିଓ ଏହା ୨୦୨୧-୨୨ ଆର୍ଥିକ ବର୍ଷ ତୁଳନାରେ ଅଧିକ, ତଥାପି ଏହା ପରିଚାଳନା କାର୍ଯ୍ୟକ୍ଷମତା ପାରାମିଟର ମଧ୍ୟରେ ରହିଛି ବୋଲି ରାହୁଲ ବଜରିଆ କହିଛନ୍ତି ।
