ନୂଆଦିଲ୍ଲୀ: ଭାରତର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଶୁକ୍ରବାର ଅଷ୍ଟ୍ରେଲିଆ ବିପକ୍ଷରେ ଖେଳାଯାଉଥିବା ଡବ୍ଲୁଟିସି ଫାଇନାଲ ମୁକାବିଲାରେ ଇତିହାସ ରଚିଛନ୍ତି । ସେ ପୂର୍ବତନ ସ୍ପିନର ବିଶନ ସିଂ ବେଦୀଙ୍କୁ ପଛରେ ପକାଇ ଟେଷ୍ଟ କ୍ରିକେଟ୍ ଇତିହାସରେ ଭରାତ ପାଇଁ ସବୁଠୁ ସଫଳ ବାମହାତୀ ସ୍ପିନର ହୋଇଛନ୍ତି ।

ଅଷ୍ଟ୍ରେଲିଆର ଦ୍ୱିତୀୟ ଇନିଂସରେ ରବିନ୍ଦ୍ର ଜାଡେଜା ପ୍ରଥମ ଇନିଂସରେ ଶତକ ମାରିଥିବା ଦୁଇ ଦେଖାଳିଙ୍କୁ ପାଭେଲିୟନ ପଠାଇଥିଲେ । ଷ୍ଟିଭ ସ୍ମଥ୍ (୩୪) ଏବଂ ଡ୍ରାଭିସ୍ ହେଡ୍ (୧୮) ରନ କରି ଆଉଟ୍ ହୋଇଥିଲେ । ସେ ତୃତୀୟ ଦିନରେ ୯ ଓଭର ବୋଲିଂ କରି ୨୫ ରନ ଦେଇ ଦୁଇ ୱିକେଟ୍ ହାସଲ କରିଛନ୍ତି । ୬୫ ଟେଷ୍ଟ ମ୍ୟାଚରେ ରବିନ୍ଦ୍ର ଜାଡେଜା ୨.୪୪ ଇକୋନମିକରେ ୨୬୭ ୱିକେଟ୍ ନେଇଛନ୍ତି । ବିଶନ ସିଂ ବେଦୀ ୬୭ ମ୍ୟାଚରେ ୨୬୬ ୱିକେଟ୍ ନେଇଥିଲେ ।

{"id":801292,"sizeSlug":"full","linkDestination":"none"}

ଟେଷ୍ଟ କ୍ରିକେଟ୍ ଇତିହାସରେ ରବିନ୍ଦ୍ର ଜାଡେଜା ଚତୁର୍ଥ ସଫଳ ବାମହାତୀ ସ୍ପିନର ହୋଇଛନ୍ତି । ଶ୍ରୀଲଙ୍କାର ରଙ୍ଗନା ହେରାଥ (୯୩ ମ୍ୟାଚରେ ୪୩୩), ଡାନିୟଲ ଭିକ୍ଟୋରୀ (୧୧୩ ମ୍ୟାଚରେ ୩୬୨) ଏବଂ ଇଂଲଣ୍ଡର ଡେରେକ ଅଣ୍ଡରଉଡ୍ (୮୬ ମ୍ୟାଚରେ ୨୯୭ ୱିକେଟ୍)ଙ୍କ ପଛରେ ଜାଡେଜା ଅଛନ୍ତି । ରବିନ୍ଦ୍ର ଜାଡେଜା ୨୦୨୩ରେ ୫ଟି ମ୍ୟାଚରେ ୩୦.୫୦ ହାରରେ ୧୮୩ ରନ କରିଛନ୍ତି । ଏଥିରେ ଗୋଟିଏ ଅର୍ଦ୍ଧଶତକ ମଧ୍ୟ ରହିଛି ।

Also Read: WTCରେ ରାହାଣେଙ୍କ ଜବରଦସ୍ତ ପ୍ରଦର୍ଶନ, ଭୂରି ଭୂରି ପ୍ରଶଂସା କଲେ ରିକି ପଣ୍ଟିଂ