କଟକ ୧୫।୪: କଟକ ରେଭେନ୍ସା ବିଶ୍ୱବିଦ୍ୟାଳୟରେ ତେଜିଲା ଛାତ୍ର ଆନ୍ଦୋଳନ । ଯୁକ୍ତ ୩ ପ୍ରଥମ ବର୍ଷ ପାଠ୍ୟକ୍ରମର ଦ୍ଵିତୀୟ ସେମିଷ୍ଟାର ପରୀକ୍ଷା ତାରିଖ ଘୁଞ୍ଚାଇବା ପାଇଁ ଦାବି କଲେ ଛାତ୍ରଛାତ୍ରୀ ମାନେ । ବିଶ୍ବବିଦ୍ୟାଳୟ ପରିସରରେ ଥିବା ରେଜିଷ୍ଟାର କାର୍ଯ୍ୟାଳୟ ସାମ୍ନାରେ ବିଭିନ୍ନ ବିଭାଗର ଶତାଧିକ ଛାତ୍ରଛାତ୍ରୀଙ୍କ ଆନ୍ଦୋଳନ ଜାରି ରଖିଛନ୍ତି । କଳା ବ୍ୟାଚ ପିନ୍ଧି ନ୍ୟାୟ ଦାବିରେ ଛାତ୍ରଛାତ୍ରୀ ଅଟଳ ରହିଛନ୍ତି । ନିୟମ ଅନୁସାରେ ୯୦ ଦିନର ପାଠ୍ୟକ୍ରମ ପରେ ସେମିଷ୍ଟାର ହେବା ରହିଛି । କିନ୍ତୁ ୫୫ ଦିନର ପାଠପଢ଼ା ମଧ୍ୟରେ ସେମିଷ୍ଟାର ତାରିଖ ଘୋଷଣା ହେବା ନେଇ ଛାତ୍ରଛାତ୍ରୀମାନେ ଆନ୍ଦୋଳନ ପନ୍ଥା ଆପଣେଇଛନ୍ତି । 

ଛାତ୍ରଛାତ୍ରୀଙ୍କ କହିବାନୁଯାୟୀ, ରେଭେନ୍ସା ବିଶ୍ୱବିଦ୍ୟାଳୟକୁ ପଢିବା ସ୍ୱପ୍ନ ନେଇ ଆସିଥିଲା ବେଳେ ପରୀକ୍ଷାକୁ ନେଇ ରେଭେନ୍ସା କର୍ତ୍ତୃପକ୍ଷ ଯେଉଁ ନିୟମାବଳୀ କରୁଛନ୍ତି ତାହା ଛାତ୍ରଛାତ୍ରୀ ମାନଙ୍କ ଭବିଷ୍ୟତକୁ ଅନ୍ଧକାର ମୁହାଁ କରୁଛି । ଯଦି ଏଭଳି ଢଙ୍ଗରେ ସେମିଷ୍ଟାର କରାଯିବ ତେବେ ଆମ ମାନଙ୍କର ଭବିଷ୍ୟତ ଯାହା ହେବ ସେନେଇ ଦାୟୀ ରହିବେ ରେଭେନ୍ସା କର୍ତ୍ତୃପକ୍ଷ । ଅନ୍ୟପଟେ ଏହି ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ରେଭେନ୍ସା ବିଶ୍ୱବିଦ୍ୟାଳୟର ପରୀକ୍ଷା କଣ୍ଟ୍ରୋଲର । ଛାତ୍ରଛାତ୍ରୀ ମାନେ ଯେଉଁ ଅଭିଯୋଗ ଆଣିଛନ୍ତି ତାହା ସତ । କୋଭିଡ ପରଠୁ ଏଭଳି ସ୍ଥିତି ଉପୁଜିଛି । ସେମିଷ୍ଟାର ଓ କୋର୍ସ ଭିତରେ ପାଠ୍ୟକ୍ରମ ଦିନ କମିଛି। ଏହି ବିବାଦର ସମାଧାନ ପାଇଁ  ଉଚ୍ଚ ଶିକ୍ଷା ବିଭାଗ ସହ ଆଲୋଚନା ହୋଇଛି । ତେବେ ବର୍ତ୍ତମାନ ପରିସ୍ଥିତିରେ ଛାତ୍ରଛାତ୍ରୀ ମାନଙ୍କ ସହ ଆଲୋଚନା କରାଯିବ ଓ ଶୀଘ୍ର ଏହି ଦିଗରେ ନିଷ୍କର୍ଷ ଆସିବ ବୋଲି କହିଛନ୍ତି କଣ୍ଟ୍ରୋଲର ପ୍ରଫେସର ପତିତପାବନ ମିଶ୍ର । 

You Can Read :

ଡ଼ବଲ ମର୍ଡ଼ର ଅଭିଯୁକ୍ତକୁ ଆଜୀବନ କାରାଦଣ୍ଡ, ଗୁଣିଗାରେଡ଼ି ସନ୍ଦେହରେ ସ୍ବାମୀ-ସ୍ତ୍ରୀଙ୍କୁ କରିଥିଲେ ହତ୍ୟା