ଭୁବନେଶ୍ୱର ୨୦।୦୬ : ମଙ୍ଗଳବାର ବିଶ୍ୱ ପ୍ରସିଦ୍ଧ ରଥଯାତ୍ରା । ପୁରୀ ଓ ଭୁବନେଶ୍ବର ରଥ ଯାତ୍ରା ପାଇଁ ବ୍ୟାପକ ବ୍ୟବସ୍ଥା କରିଛି କମିଶନରେଟ ପୋଲିସ । କଟକ ରୁ ପୁରୀ ଯିବାକୁ ଥିବା ସୁପ୍ରିମକୋର୍ଟ ଓ ହାଇକୋର୍ଟ ଜଷ୍ଟିସ୍ ମାନଙ୍କୁ ସ୍ଵତନ୍ତ୍ର ପାଟ୍ରୋଲିଂ ଜରିଆରେ ପୁରୀ ନିଆଯିବାର ବ୍ୟବସ୍ଥା କରାଯାଇଛି ।
ଖବର ଅନୁଯାୟୀ, ପୁରୀରେ ହେବ ବିଶ୍ୱପ୍ରସିଦ୍ଧ ରଥ ଯାତ୍ରା । ଏହିକ୍ରମରେ ଭୁବନେଶ୍ଵରରେ ମଧ୍ୟ ୫୭ଟି ସ୍ଥାନରେ ଗଡିବ ମହାପ୍ରଭୁଙ୍କ ରଥ ।. ଏଥିପାଇଁ କମିଶନରେଟ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ପୁରୀ ରଥ ଯାତ୍ରା ଦେଖିବାକୁ ଯିବାକୁ ଥିବା ଭିଆଇପି ଓ ଭିଭିଆଇପିମାନଙ୍କୁ ସ୍ଵତନ୍ତ୍ର ପାଟ୍ରୋଲିଂ ଜରିଆରେ ପୁରୀ ନେବା ଓ ଫେରିବାର ବ୍ୟବସ୍ଥା କରାଯାଇଛି । ଏଥିପାଇଁ ବରମୁଣ୍ଡା , ହାଇଟେକ , ଶିରିଡି ସାଇ ମନ୍ଦିର, ଲିଙ୍ଗିପୁର ଓ ରାଜ୍ୟ ସଂଗ୍ରହାଳୟ ଠାରେ ୫ଟି ସ୍ଵତନ୍ତ୍ର କଣ୍ଟ୍ରୋଲ ରୁମ କରାଯାଇଛି ।
wp:embed {"url":"https://www.prameyanews7.com/ratha-yatra-2023/","type":"wp-embed","providerNameSlug":"prameya-news-7"}ସେହିପରି ରାଜଧାନୀର ରଥ ସମୟରେ ପିସିଆର ଭ୍ୟାନ ସହିତ ବାଇକ ପାଟ୍ରୋଲିଂ କଡାକଡି କରାଯାଇଛି । ଭୁବନେଶ୍ବର ଡିସିପିଙ୍କ ତତ୍ତ୍ଵାବଧାନରେ ୭ ଜଣ ଆଡିସିନାଲ ଡିସିପି , ୧୧ ଜଣ ଏସିପି , ୩୧ ଜଣ ଇନ୍ସପେକ୍ଟର ୯୦ ଏସଆଇ , ଏଏସଆଇ , ୧୫ ଟ୍ରାଫିକ ଅଧିକାରୀ, ୧୬୪ ହୋମଗାର୍ଡ ସହିତ ୨୦ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ । ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଏହି ସୂଚନା ଦେଇଛନ୍ତି ।
wp:embed {"url":"https://www.youtube.com/embed/4pjksVxq-XA","type":"rich","providerNameSlug":"embed-handler","responsive":true,"className":"wp-embed-aspect-4-3 wp-has-aspect-ratio"}
