ନୂଆଦିଲ୍ଲୀ ୨୯।୦୩; ରତନ ଟାଟା । ଏ ନାଁକୁ କୌଣସି ପରିଚୟର ଆବଶ୍ୟକତା ନାହିଁ । ସେ ଏପରି ଜଣେ ବ୍ୟକ୍ତିତ୍ୱ, ଯାହାଙ୍କ ନାଁ ପ୍ରାୟ ସମସ୍ତଙ୍କୁ ଜଣା । ସୋସିଆଲ ମିଡିଆରେ ରତନ ଟାଟାଙ୍କର ଲକ୍ଷ ଲକ୍ଷ ଫଲୋଅର୍ସ ଅଛନ୍ତି । ତାଙ୍କ ଇନଷ୍ଟାଗ୍ରାମରେ 8.5 ନିୟୁତ ଫଲୋଅର୍ସ ଥିବା ବେଳେ ଟ୍ୱିଟରରେ 12.4 ନିୟୁତ ଅଛନ୍ତି ଫଲୋଅର୍ସ । କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ରତନ ଟାଟା ବହୁତ କମ୍ ଲୋକଙ୍କୁ ଫଲୋ କରନ୍ତି । ସେ ଟ୍ୱିଟରରେ ୨୭ଜଣଙ୍କୁ ଏବଂ ଇନଷ୍ଟାଗ୍ରାମରେ କେବଳ ଜଣଙ୍କ ପ୍ରୋଫାଇଲକୁ କରନ୍ତି ଫଲୋ ।

ବାସ୍ତବରେ ରତନ ଟାଟା ଏକ ଧାର୍ମିକ ସଂସ୍ଥା ଟାଟା ଟ୍ରଷ୍ଟକୁ ଫଲୋ କରନ୍ତି । ଯେଉଁ ସଂସ୍ଥା ରତନ ଟାଟାଙ୍କ ଅଧିନରେ ରହିଛି । 1919 ରେ ପ୍ରତିଷ୍ଠା ହୋଇଥିବା ଏହି ଟ୍ରଷ୍ଟ ହେଉଛି ଭାରତର ସର୍ବ ପୁରାତନ ଫାଉଣ୍ଡେସନ । ଖବର ଅନୁଯାୟୀ ଟାଟା ଟ୍ରଷ୍ଟର ଏହି ଫାଉଣ୍ଡେସନ 1892 ମସିହାରେ ଗଠିତ ହୋଇଥିଲା । ଏହାର ୬୬ ପ୍ରତିଶତ ଅଂଶଧନ ଟାଟା ଟ୍ରଷ୍ଟ ଦ୍ୱାରା ପରିଚାଳିତ । ଏହାଦ୍ବାରା ଦାନ ପାଇଁ ପାଣ୍ଠିର ଅଭାବ ନଥାଏ ।

କେବଳ ଟାଟା ଟ୍ରଷ୍ଟ ନୁହେଁ, ଜେଏନ୍ ଟାଟା ଏଣ୍ଡୋମେଣ୍ଟ, ସାର୍ ଦୋରାବଜୀ ଟାଟା ଟ୍ରଷ୍ଟ, ସାର୍ ରତନ ଟାଟା ଟ୍ରଷ୍ଟ, ଲେଡି ଟାଟା ମେମୋରିଆଲ୍ ଟ୍ରଷ୍ଟ, ଲେଡି ମେହେରବାଇ ଡି ଟାଟା ଶିକ୍ଷା ଟ୍ରଷ୍ଟ ଇତ୍ୟାଦି ରହିଛି ଏହି ଟ୍ରଷ୍ଟ୍ ଅଧିନରେ । ଏପରି ଅନେକ ଟ୍ରଷ୍ଟ ଅଛି ଯାହା ଦଶନ୍ଧି ଧରି ସ୍ୱାସ୍ଥ୍ୟ, ଶିକ୍ଷା, ପରିବେଶ ସୁରକ୍ଷା, ସମ୍ପ୍ରଦାୟର ବିକାଶ କାର୍ଯ୍ୟ କରିଆସୁଛି । 

ସ୍ବାଧିନତାର ବହୁ ପୂର୍ବରୁ ଦେଶ ବିଷୟରେ ଚିନ୍ତା କରିବା ଆରମ୍ଭ କରିଥିଲା ଟାଟା ଗ୍ରୁପ୍ । ସେଥିପାଇଁ ଜାମସେଦ ଜୀ ଟାଟା 1898 ମସିହାରେ କରିଥିଲେ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ସାଇନ୍ସର ବ୍ଲୁ ପ୍ରିଣ୍ଟ । ଯାହାର ଉଦ୍ଦେଶ୍ୟ ଥିଲା ଅତ୍ୟାଧୁନିକ ବିଜ୍ଞାନ ଶିକ୍ଷା ବ୍ୟବସ୍ଥା । ଏହି ଟ୍ରଷ୍ଟ ପାଇଁ ଜାମସେଦ ଜୀ ତାଙ୍କ ବ୍ୟକ୍ତିଗତ ସମ୍ପତ୍ତିର ଅଧା ଦାନ କରିଥିଲେ । ଯେଉଁଥିରେ ମୁମ୍ବାଇର 14 ଟି କୋଠା ଏବଂ ୪ଟି ଜମି ଥିଲା । ପରେ ମଇସୁରର ରାଜା ବେଙ୍ଗାଲୁରୁରେ 300 ଏକର ଜମି ଦେଇଥିଲେ ।