ଉଦଳା ୧୩/୧୨: ଘରେ ଶୋଇଥିବା ଅବସ୍ଥାରେ ଘରେ ନିଆଁ ଲଗାଇ ଦମ୍ପତ୍ତିଙ୍କୁ ପୋଡି ମାରିବାକୁ ଉଦ୍ୟମ ଘଟଣା । ଅଭିଯୁକ୍ତ ଗିରଫ ଦାବିରେ ରାସ୍ତା ଅବରୋଧ । ଉଦଳା-ଠାକୁରମୁଣ୍ଡା ରାସ୍ତାର ପୋଡାଡିହା ଛକ ନିକଟରେ ରାସ୍ତା ଅବରୋଧ କରାଯାଇଛି । ଫଳରେ ଯାତାୟତ ବାଧାପ୍ରାପ୍ତ ହୋଇଛି ।
ସୂଚନା ଥାଉକି, କପ୍ତିପଦା ଥାନା ନୁଆସାହି ଗ୍ରାମରେ ଗତ ୨୭ ତାରିଖ ରାତିରେ ଦମ୍ପତ୍ତିଙ୍କୁ ପୋଡି ମାରିବାକୁ ଉଦ୍ୟମ କରିଥିଲେ ଦୁର୍ବୃତ୍ତ । ଗୁରୁତର ଅବସ୍ଥାରେ ସ୍ୱାମୀ ଏବଂ ସ୍ତ୍ରୀ ଚିକିତ୍ସିତ ହେଉଥିବା ବେଳେ ଗତ ୮ ତାରିଖ ସ୍ୱାମୀ ଅର୍ଜୁନ ଦଣ୍ଡପାଟଙ୍କର ମୃତ୍ୟୁ ହୋଇଥିଲା । ଅଭିଯୁକ୍ତକୁ ଧରିବାରେ କପ୍ତିପଦା ପୋଲିସ ବିଫଳ ହେବାକୁ ନେଇ ରାସ୍ତା ଅବରୋଧ କରିଛନ୍ତି ଗ୍ରାମବାସୀ ।
