ମୁମ୍ୱାଇ ୧୩/୦୫: ଓ୍ୱାଙ୍ଖେଡେ ଷ୍ଟାଡିୟମ୍‌ରେ ଶୁକ୍ରବାର ଥିଲା ସୁପର ସୋ । ମୁହାଁମୁହିଁ ହୋଇଥିଲେ ରୋହିତ ଶର୍ମା ମୁମ୍ୱାଇ ଇଣ୍ଡିଆନ୍ସ ଓ ହାର୍ଦ୍ଦିକ ପାଣ୍ଡ୍ୟାଙ୍କ ଗୁଜୁରାଟ ଟାଇଟନ୍ସ । ମ୍ୟାଚ୍‌ରେ ଦେଖିବାକୁ ମିଳିଥିଲା ଅଜବ ଗଜବ କାରନାମା । ଆଇପିଏଲର୍‌ ୫୭ ନମ୍ୱର ମ୍ୟାଚ୍‌ରେ ବାଜି ମାରିଛି ମୁମ୍ୱାଇ ଇଣ୍ଡିଆନ୍ସ । ମୁମ୍ୱାଇ ଏହି ମ୍ୟାଚ୍‌କୁ ୨୭ ରନ୍‌ରେ ଜିତି ନିଜ ନାଁରେ କରିଛି ।

ଏହି ମ୍ୟାଚ୍‌ର ହିରୋ ଥିଲେ ମିଷ୍ଟର ୩୬୦ ଅର୍ଥାତ୍ ସୂର୍ଯ୍ୟକୁମାର ଯାଦବ । ସୂର୍ଯ୍ୟ ୪୯ ବଲ୍‌ରୁ ହାସଲ କରିଛନ୍ତି ୧୦୩ ରନ୍ । ଏମିତିକି ରହିଥିଲେ ଅପରାଜିତ । ସୁର୍ଯ୍ୟଙ୍କ ଦମଦାର୍ ଇଂନିସରେ ୧୧ ଚଉକା ଏବଂ ୬ ବିଶାଳ ନବୁଶ୍ଚମ୍ୱୀ ଛକ୍କା ସାମିଲି ଥିଲା । ତେବେ ଗୁଜୁରାଟ ପକ୍ଷରୁ ଦମ୍‌ଦାର ପ୍ରଦର୍ଶନ କରିଥିଲେ ରାଶିଦ ଖାନ୍ । ବୋଲିଂ କରି ହାସଲ କରିଥିଲେ ୪ ଓ୍ୱିକେଟ୍ । କେବଳ ବୋଲିଂ ନୁହେଁ ବ୍ୟାଟିଂରେ ବି କମାଲ କରିଥିଲେ କମାଲ୍ ।

ରାଶିଦ ୭୯ ରନ୍‌ ଇଂନିସ ଖେଳିଥିଲେ । ୩୨ ବଲ୍‌ ଖେଳି ୭୯ ରନ୍‌ ଖେଳିଥିଲେ । ତେବେ ଏତେ ଦମଦାର ପ୍ରଦର୍ଶନ ସତ୍ତ୍ୱେ ହାରିଥିଲା ଟିମ୍ ଗୁଜୁରାଟ୍ । ଏହି ଇଂନିସ୍‌ରେ ସେ ୩ ଚଉକା ଓ ୧୦ଟି ଛକ୍କା ମାରିଥିଲେ । ଏମିତି ଖେଳି ଅନେକ ରେକର୍ଡ ନିଜ ନାଁରେ କରିଥିଲେ । ମ୍ୟାଚ୍ ସିନା ହାରିଗଲା ଟିମ୍ କିନ୍ତୁ ସମସ୍ତଙ୍କ ହୃଦୟରେ ଛାପ ହୋଇ ରହିଥିଲା ତାଙ୍କ ଖେଳ ।