ଆଠଗଡ ୦୯/୦୮: ଭୋର ସକାଳୁ କଣ୍ଟାବାଞ୍ଜି ସହରରେ ଏକ ମର୍ମନ୍ତୁଦ ସଡକ ଦୁର୍ଘଟଣା । ସହରର ଶାନ୍ତି ପେଟ୍ରୋଲ ପମ୍ପ ପାଖରେ ଏକ ଅଜଣା ଗାଡି ଧକ୍କାରେ ଏକ ପରିବା ବିକାଳୀଙ୍କ ମୃତ୍ୟୁ ହୋଇଛି । ମୃତକ ଜଣକ ହେଲେ ବେଲପଡା ଥାନା ମୁଣ୍ଡାପଲା ଗାଁର ଜଲନ୍ଧର ଦୀପ । ଜଲନ୍ଧର ସବୁ ଦିନ ପରି ଆଜି ମଧ୍ୟ କଣ୍ଟାବାଞ୍ଜି ପନିପରିବା କିଣିବାକୁ ଆସିଥିଲେ ।
ସେଠୁ ପନିପରିବା କିଣି ନିଜ ଗାଁ ପାଖ ପାଖରେ ବିକ୍ରି କରିଥାନ୍ତେ । ଜଳନ୍ଧର ନିଜର ସୁପର ଏକ୍ସସଲ ଗାଡିରେ କଣ୍ଟାବାଞ୍ଜି ଆସୁଥିବା ବେଳେ ତାଙ୍କୁ କୌଣସି ଅଜଣା ଗାଡି ଧକ୍କା ଦେଇଥିଲା । ମୁଣ୍ଡରେ ଗଭୀର ଆଘାତ ଲାଗିବା ସହ ପ୍ରଚୁର ରକ୍ତସ୍ରାବ ଯୋଗୁ ଘଟଣା ସ୍ଥଳରେ ମୃତ୍ୟୁ ହୋଇଥିଲା । କଣ୍ଟାବାଞ୍ଜିରେ ଥିବା ମୃତ ଜଳନ୍ଧରଙ୍କ ସମ୍ପର୍କୀୟ ଘଟଣା ସ୍ଥଳ ପହଞ୍ଚି ରାସ୍ତାରେ ଶବ ରଖି ଦୁର୍ଘଟଣା ଘଟାଇଥିବା ଗାଡି ମାଲିକକୁ ଖୋଜିବା ସହ କ୍ଷତି ପୂରଣ ଦାବି ନେଇ କଣ୍ଟାବାଞ୍ଜି –ପାଟଣାଗଡ ମୁଖ୍ୟ ରାସ୍ତା ଅବରୋଧ କରିଥିଲେ ।
ଦୀର୍ଘ ସମୟ ରାସ୍ତ ଅବରୋଧ ପରେ କଣ୍ଟାବାଞ୍ଜି ପୋଲିସ ସେମାଙ୍କୁ ବୁଝାସୁଝା କରିବା ପରେ ଶବକୁ ଜବତ କରି କଣ୍ଟାବାଞ୍ଜି ଡାକ୍ତରଖାନା ନେଇଯାଇଥିଲା । ତେବେ ଦାବି ସବୁ ପୂରଣ ହେବ ବୋଲି ପୋଲିସ ପ୍ରତିଶ୍ରୁତି ଦେବା ପରେ ରାସ୍ତା ରୋକ ଆନ୍ଦୋଳନ ପ୍ରତ୍ୟାହୃତ ହେଲା । ପୋଲିସ ଘଟଣା ସ୍ଥଳର ପାଖ ପାଖରେ ଲାଗିଥିବା ସିସିଟିଭି କ୍ୟାମେରା ଯାଞ୍ଚ କରି ଅଧିକ ତଦନ୍ତ ଆରମ୍ଭ କରିଦେଇଛି ।
