scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କଟକରେ ଆଉ କେତେ ନକଲି ? ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ

30/11/2020 at 4:25 PM

କଟକ ୩୦।୧୧: କଟକ ଯେମିତି ଏବେ ଅପମିଶ୍ରଣକାରୀଙ୍କ ପେଣ୍ଠସ୍ଥଳୀ ପାଲଟିଛି । ସୋମବାର ଜଗତପୁର ଶିଳ୍ପାଞ୍ଚଳରେ ଠାବ ହୋଇଛି ଅପମିଶ୍ରିତ ଘିଅ ଓ ତେଲର କାରଖାନା । ସୁବାସ ଘିଅ କାରଖାନାରେ ଚଢାଉ କରି ପୋଲିସ ଜବତ କରିଛି ପ୍ରାୟ ୧ କୋଟି ଟଙ୍କାର ଅପମିଶ୍ରିତ ସାମଗ୍ରୀ । ଯେଉଁଥିରେ ରହିଛି ସୁବାସ ବ୍ରାଣ୍ଡରେ ଘିଅ, ପାମୋଲିନ ତେଲ ଏବଂ ଟମାଟୋ ସସ୍ ଠାରୁ ଆରମ୍ଭ କରି ଆହୁରି କେତେ ପ୍ରକାରର ମସଲା । କମ୍ପାନୀର ୨ ଜଣ କର୍ମଚାରୀଙ୍କୁ ପୋଲିସ ଅଟକ ରଖିଛି । ସୁବାସ କମ୍ପାନୀର ବିଭିନ୍ନ ଆର୍ଥିକ ଅନିୟମିତତାର ଯେଉଁ ଅଭିଯୋଗ ଆସିଛି, ତା ଉପରେ ମଧ୍ୟ ତଦନ୍ତ ଆରମ୍ଭ କରିଛି ପୋଲିସ ।

ବର୍ଷ ବର୍ଷ ଧରି ଅପମିଶ୍ରଣ କରି ତେଲ ଓ ଘିଅ ପ୍ରସ୍ତୁତ କରୁଥିବା ସୁବାସ କମ୍ପାନୀ ଉପରେ ଚଢାଉ ସମୟରେ ଆପତ୍ତିଜନକ ସାମଗ୍ରୀ ମିଳିଛି । ସୁବାସ କମ୍ପାନୀକୁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କଠାରୁ ଲାଇସେନ୍ସ ପ୍ରାପ୍ତ ହୋଇଛି । ହେଲେ ଏଠାରୁ ବାହାରୁ ଥିବା ସମସ୍ତ ତେଲ ଏବଂ ଘିଅରେ ଭରି ରହିଛି ବିଷ ଏକଥା ବୁଝିବାକୁ ଆଉ ବାକି ନାହିଁ ।  

୯୦ ଦଶକରୁ ସୁବାସ କମ୍ପାନୀ ତାର ବ୍ୟବସାୟ ଆରମ୍ଭ କରିଛି । ପ୍ରଥମେ ମସଲା, ପରେ ସିମାଇଁ ଏବଂ ସସ୍ ଉତ୍ପାଦନ କରି ବଜାରକୁ ଛାଡୁଥିଲା ସୁବାସ କମ୍ପାନୀ । ଗତ ୧୦ ବର୍ଷ ହେଲା ଏହି ସଂସ୍ଥାରେ ଆରମ୍ଭ ହୋଇଛି ଖାଇବା ତେଲ ଏବଂ ଘିଅର ପ୍ରସ୍ତୁତି । କିନ୍ତୁ ଚିନ୍ତାର ବିଷୟ ହେଲା, ଦୀର୍ଘ ବର୍ଷ ଧରି ଖାଦ୍ୟ ଅପମିଶ୍ରଣର ଯେଉଁ ବେଆଇନ କାର୍ଯ୍ୟ ସୁବାସ କମ୍ପାନୀ ଚଳାଇ ଆସୁଥିଲା ତା ଉପରେ କେମିତି କାହାର ନଜର ପଡିଲା ନାହିଁ । ଗୋଟିଏ ଦିନର ଚଢାଉରେ ଏହି କାରଖାନାରୁ ଜବତ ହୋଇଛି ପ୍ରାୟ କୋଟିଏ ଟଙ୍କାରୁ ଅଧିକ ଆପତ୍ତିଜନକ ସାମଗ୍ରୀ । ତେବେ କେବଳ ଅପମିଶ୍ରଣର ଅଭିଯୋଗ ନୁହେଁ ବରଂ ଆର୍ଥିକ ଅନିୟମିତତାର ଜାଲରେ ମଧ୍ୟ ଛନ୍ଦି ହୋଇଛି ସୁବାସ କମ୍ପାନୀ । ଯାହାର ତଦନ୍ତ କରାଯିବ ବୋଲି କହିଛନ୍ତି କଟକ ଡିସିପି ।

ସୂଚନାଯୋଗ୍ୟ ଯେ, ସୋମବାରର ଚଢାଇକୁ ମିଶାଇ ଗତ ଏକ ମାସ ଭିତରେ କଟକର ୧୫ଟି ସ୍ଥାନରେ ଚଢାଉ କଲାଣି ପୋଲିସ । ଏହା ଭିତରେ ୧୬ଜଣଙ୍କୁ ଗିରଫ କରାଯାଇଛି ଏବଂ ସୋମବାର ୨ ଜଣଙ୍କୁ ଅଟକ ରଖିଛି ପୋଲିସ ।

   Related Posts