ମୁମ୍ବାଇ ୨୧।୧୧: ବିବାହ କରିବାକୁ ଯାଉଛନ୍ତି ବଲିଉଡ ଅଭିନେତା ରଣଦୀପ ହୁଡା । ଖୁବ୍‌ଶୀଘ୍ର ରଣଦୀପ ତାଙ୍କ ଗର୍ଲଫ୍ରେଣ୍ଡ ଲିନଙ୍କ ସହ ନେବାକୁ ଯାଉଛନ୍ତି ସାତଫେରା ।  ଏହି ମାସ ଶେଷରେ ହିଁ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ରଣଦୀପ ଏବଂ ଲିନ୍ ଲେଶରାମ । ତେବେ ବିବାହ ତାରିଖ ପ୍ରକାଶ କରିନାହାଁନ୍ତି ରଣଦୀପ ।

୨୦୨୨ରେ ରଣଦୀପ ଲିନଙ୍କ ସହ ତାଙ୍କ ସମ୍ପର୍କକୁ ଅଫିସିଆଲ୍ କରିଥିଲେ । ବର୍ତ୍ତମାନ ଏହି ଦମ୍ପତି ସେମାନଙ୍କ ସମ୍ପର୍କକୁ ଆଗକୁ ନେବାକୁ ପ୍ରସ୍ତୁତ ଅଛନ୍ତି । ରଣଦୀପ ଏବଂ ଲିନଙ୍କ ବିବାହ ବିଷୟରେ କହିବାକୁ ଗଲେ ଏହା ଏକ ଅନ୍ତରଙ୍ଗ ବିବାହ ହେବାକୁ ଯାଉଛି । ଅର୍ଥାତ୍ ଅଳ୍ପ କିଛି ବିଶେଷ ବନ୍ଧୁ ଏବଂ ପରିବାର ବିବାହରେ ଉପସ୍ଥିତ ରହିବେ ।  

ରିପୋର୍ଟ ଅନୁଯାୟୀ ଏହି ମାସ ଶେଷରେ ଦମ୍ପତ୍ତି ବିବାହ କରିବେ । କିନ୍ତୁ କୁହାଯାଉଛି କି ରଣଦୀପ ମୁମ୍ବାଇରେ ବିବାହ କରିବେନି। ରଣଦୀପଙ୍କ ଗର୍ଲଫ୍ରେଣ୍ଡ ଲିନ୍ ମଧ୍ୟ ଜଣେ ଅଭିନେତ୍ରୀ। ସେ ଫରାହ ଖାନଙ୍କ ଫିଲ୍ମ ଓମ ଶାନ୍ତି ଓମରେ ଏକ କେମିଓ ରୋଲ୍‌ କରିଥିଲେ ।

 ସେ ଓମ କପୁରଙ୍କ ବନ୍ଧୁ ଭୂମିକାରେ ଅଭିନୟ କରିଥିଲେ। ଏହାପରେ ଲିନ୍‌ ପ୍ରିୟଙ୍କା ଚୋପ୍ରାଙ୍କ ସହ ମେରି କମ୍‌ରେ ନଜର ଆସିଥିଲେ । ସେ ଏହି ଫିଲ୍ମରେ ପ୍ରିୟଙ୍କାଙ୍କ ବନ୍ଧୁ ଭୂମିକାରେ ମଧ୍ୟ ଅଭିନୟ କରିଥିଲେ ।

You Can Read: