ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ରାଞ୍ଚି ଏସପି ଓ ତାଙ୍କ ପତ୍ନୀ କରୋନା ସନ୍ଦିଗ୍ଧ, ଇଟାଲୀରୁ ଫେରିଥିଲେ

16/03/2020 at 7:35 PM

ରାଞ୍ଚି ୧୬/୦୩ : ମହାମାରୀ ଘୋଷିତ ହୋଇଥିବା କରୋନା ସନ୍ଦିଗ୍ଧଙ୍କ ସଂଖ୍ୟା ବଢ଼ିବାରେ ଲାଗିଛି | ବିହାର ଝାରଖଣ୍ଡରେ ମଧ୍ୟ ସନ୍ଦିଗ୍ଧଙ୍କ ସଂଖ୍ୟା ବଢ଼ିବାରେ ଲାଗିଛି | ମିଳିଥିବା ଖବର ଅନୁଯାୟୀ, ଝାରଖଣ୍ଡର ଆଇପିଏସ ଅଧିକାରୀ ଏବଂ ତାଙ୍କ ପତ୍ନୀ କରୋନା ସନ୍ଦିଗ୍ଧ ଜଣାପଡିଛି | ପାଟଣାର ପିଏମସିଏଚ ହସ୍ପିଟାଲରେ ମୋଟ ୮ଜଣ କରୋନା ସଂକ୍ରମିତ ଥିବା ଜଣାପଡିଛି | ଆଇସୋଲେସନ ୱାର୍ଡରେ ଏମାନଙ୍କ ଚିକିତ୍ସା ଜାରି ରହିଛି |

କରୋନା ସନ୍ଦିଗ୍ଧଙ୍କ ମଧ୍ୟରେ ରାଞ୍ଚିର ଏସପି ସୌରଭ ଏବଂ ତାଙ୍କ ପତ୍ନୀ ଶିବା ମଧ୍ୟ ରହିଛନ୍ତି | ସୂଚନା ଅନୁଯାୟୀ, ସୌରଭ ଏବଂ ଶିବା ବିବାହ ପରେ ଇଟାଲୀ ବୁଲିବାକୁ ଯାଇଥିଲେ | ଇଟାଲୀରୁ ଫେରିବା ପରେ ଉଭୟଙ୍କ ମଧ୍ୟରେ କରୋନା ଭାଇରସର କିଛି ଲକ୍ଷଣ ଦେଖିବାକୁ ମିଳିଥିଲା | ଇଟାଲୀରୁ ଫେରିବା ପରେ ଡାକ୍ତରମାନେ ତାଙ୍କ ଉପରେ ନଜର ରଖିଥିଲେ |ଏହାପରେ ଉଭୟଙ୍କ ପରୀକ୍ଷା କରାଯାଇଥିଲା | ଉଭୟଙ୍କ ବର୍ତ୍ତମାନ ଆଇସୋଲେସନ ୱାର୍ଡରେ ରଖାଯାଇଛି |

ହସ୍ପିଟାଲରେ ଭର୍ତ୍ତି ହୋଇଥିବା ସମସ୍ତ ରୋଗୀ ବର୍ତ୍ତମାନ ବିପଦମୁକ୍ତ | ତେବେ ସୁରକ୍ଷା ଦୃଷ୍ଟିରୁ ୱାର୍ଡ ଆଖପାଖରେ ଲୋକଙ୍କୁ ବୁଲିବାକୁ ବାରଣ କରାଯାଇଛି | ହସ୍ପିଟାଲ ଅଧିକାରୀ ଡ.ବିଦ୍ୟାପତି ଚୌଧୁରୀ କହିଛନ୍ତି ଯେ, ସମସ୍ତ ସନ୍ଦିଗ୍ଧଙ୍କୁ ୧୪ ଦିନ ପାଇଁ ଆଇଶୋଲେସନ ୱାର୍ଡରେ ରଖାଯାଇଛି ଏବଂ ୧୪ ଦିନ ପରେ ସେମାନଙ୍କ ଯାଞ୍ଚ ପରେ ହିଁ କୁହାଯାଇପାରିବ ଯେ ସେମାନେ ସୁସ୍ଥ ନାଁ ନାହିଁ | 

   Related Posts