ରଣବୀର ଫ୍ୟାନ୍ସଙ୍କୁ ମିଳିଲା ବାର୍ଥଡେ ଗିଫ୍ଟ, ରିଲିଜ ହେଲା ନୂଆ ଫିଲ୍ମର ଟିଜର

Published By : Prameya-News7 Bureau | September 29, 2023 IST

ମୁମ୍ୱାଇ ୨୯/୦୯: ଦୀର୍ଘ ଦିନ ପରେ ପୁଣି ସ୍କ୍ରିନକୁ ଫେରୁଛନ୍ତି କପୁର ଖାନଦାନର ଲାଡଲା ରଣବୀର କପୁର । ରଣବୀରଙ୍କ ମୋଷ୍ଟ ଏୱେଟେଡ ଏନିମଲର ଟିଜର ହୋଇଛି ରିଲିଜ । ରଣବୀରଙ୍କ ୪୧ତମ ଜନ୍ମଦିନ ଅବସରରେ ରଣବୀର ଫ୍ୟାନ୍ସଙ୍କୁ ଏହି ସରପ୍ରାଇଜ୍ ଦେଇଛନ୍ତି ଏନିମଲର ମେକର୍ସ । ଏହି ଜବରଦସ୍ତ ଟିଜର ଦେଖି ଦର୍ଶକଙ୍କ ହୃଦୟ ଉତ୍ସାହରେ ଭରି ଯାଇଛି ।

ଏହାକୁ ରଣବୀରଙ୍କ ସବୁଠୁ ଇନ୍ଟେନ୍ସ ପରଫରମାନ୍ସ ବୋଲି କହିଲେ ହୁଏତ ଭୁଲ୍ ହେବ ନାହିଁ । ଟିଜର ଆରମ୍ଭରୁ ଉଭୟ ରଣବୀର ଓ ରଶ୍ମୀକା ମଦାନ୍ନାଙ୍କୁ ଦେଖିବାକୁ ମିଳିଛି । ଉଭୟ ହ୍ୱାଇଟ୍ ଆଉଟଫିଟରେ ଟ୍ୱିନିଙ୍ଗ କରିଛନ୍ତି । ରଶ୍ମୀକା ରଣବୀର ପରସ୍ପର ସହ ସନ୍ତାନ ବିଷୟରେ କଥା ହେଉଛନ୍ତି । ଏହାପରେ ସ୍କ୍ରିନକୁ ଆସୁଛନ୍ତି ରଣବୀରଙ୍କ ନିର୍ଦ୍ଦୟୀ ପିତା ଭୂମିକାରେ ଅଭିନୟ କରିଥିବା ଅନିଲ କପୁର ।

ରଣବୀରଙ୍କ ଅନ୍ୟାନ୍ୟ ସିନେମା ପରି ଏଥିରେ ମଧ୍ୟ ସେ ଏକ ଧନୀ ପରିବାରର ପୁଅ ଭୂମିକାରେ ଅଭିନୟ କରିଛନ୍ତି । ଏଥିରେ ରଣବୀର ନିଜ ବାପାଙ୍କ ଦ୍ୱାରା ଆଘାତ ପ୍ରାପ୍ତ ହେଉଛନ୍ତି ଏବଂ ପୁଅକୁ ପିଟିବା ପରେ ଘରେ କ୍ରିମିନାଲ ଜନ୍ମ ହୋଇଛି କହି ପାଟି କରୁଛନ୍ତି ଅନୀଲ କପୁର । ବାପାଙ୍କ ଅତ୍ୟାଚାର ଆଉ ଭାଇଙ୍କ ଅପମାନ ସାଜୁଛି ରଣବୀରଙ୍କ ଟର୍ଣ୍ଣିଙ୍ଗ ପଏଣ୍ଟ । ଏହା ପରେ ରଣବୀରଙ୍କର ମେକ୍ ଓଭର ଦେଖିବାକୁ ମିଳୁଛି ।

wp:embed {"url":"https://www.prameyanews7.com/actor-michael-gambon-harry-potters-dumbledore-dies-at-82/","type":"wp-embed","providerNameSlug":"prameya-news-7"}
https://www.prameyanews7.com/actor-michael-gambon-harry-potters-dumbledore-dies-at-82/
/wp:embed

ରଣବୀରଙ୍କ ଏହି ନୂଆ ଅବତାର ଖୁବ୍ ଭୟାନକ । ସେ କାହାକୁ ଖୋଜୁ ଥିବା ବେଳେ ନିଜ ବାପାଙ୍କ ଭଳି ନିର୍ଦ୍ଦୟୀ ହୋଇ ଯାଇଛନ୍ତି । ଟିଜରରେ ରଣବୀର ସନ୍ଥ କବୀରଙ୍କ ଦୋହା ଗାଉଥିବାର ମଧ୍ୟ ଶୁଣିବାକୁ ମିଳୁଛି । ତେବେ ଏଥିରୁ ସିନେମାରେ ରଣବୀରଙ୍କୁ ଏକ ଆଣ୍ଟି ହିରୋ କ୍ୟାରେକ୍ଟରରେ ଦେଖିବାକୁ ମିଳିବ ବୋଲି ଅନୁମାନ କରୁଛନ୍ତି ଫ୍ୟାନ୍ସ । ତେବେ ଏନିମଲରେ ରଣବୀରଙ୍କ ବ୍ୟତୀତ ବବି ଦେଓଲଙ୍କୁ ମଧ୍ୟ ଏକ ଦମଦାର ଭୂମିକାରେ ଦେଖିବାକୁ ମିଳିବ ।

ଯାହାର ଏକ ଝଲକ ଟିଜରରେ ରହିଛି । କବୀର ସିଂହ ନିର୍ଦ୍ଦେଶକ ସନ୍ଦିପ ରେଡ୍ଡୀ ୱାଙ୍ଗାଙ୍କ ନିର୍ଦ୍ଦେଶିତ ଏନିମଲ ଧୂଆଁଧାର ହେବ ବୋଲି ଏହି ଟିଜରରୁ ଏକ ପ୍ରକାର ନିଶ୍ଚିତ ହୋଇଛି । ମନଛୁଆଁ କାହାଣୀ ସାଙ୍ଗକୁ ଇମୋସନର ତଡ଼କା ଓ ଭରପୁର ଆକ୍ସନ ଏହି ସିନେମାରେ ଦେଖିବାକୁ ମିଳିବ । ଡିସେମ୍ବର ୧ରେ ଏହା ରିଲିଜ ହେବା ନେଇ ନିଷ୍ପତ୍ତି ହୋଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.