scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଚନ୍ଦ୍ରଯାନ-୩ ସଫଳତା ପରେ ମାଲେମାଲ୍‌ ହେଲେ ବ୍ୟକ୍ତି, ଜାଣନ୍ତୁ କେମିତି ହେଲେ କୋଟିପତି ?

28/11/2023 at 5:20 PM

ନୂଆଦିଲ୍ଲୀ ୨୮।୧୧; ଚନ୍ଦ୍ରଯାନ-୩ର ସଫଳ ଲ୍ୟାଣ୍ଡିଂ ପରେ ନୂଆ ଇତିହାସ ରଚିଛି ଭାରତ । ଯାହା ଦୁନିଆର ଅନ୍ୟ କୌଣସି ବି ଦେଶ କରିନାହିଁ । ଚନ୍ଦ୍ରଯାନ-୩ ଚନ୍ଦ୍ରରେ ଯେଉଁଠି ପାଦ ରଖିଲା ସେଠାରେ ବିଶ୍ୱର କୌଣସି ବି ଦେଶ ପହଞ୍ଚି ପାରି ନଥିଲା। ଆମେରିକା, ରୁଷ୍‌ ଓ ଚୀନ୍‌ ପରି ଶକ୍ତିଶାଳୀ ରାଷ୍ଟ୍ର ଚନ୍ଦ୍ର ପୃଷ୍ଠରେ ପହଞ୍ଚିବାରେ ସଫଳ ତ ହୋଇଛନ୍ତି କିନ୍ତୁ ଭାରତ ପରି ଚନ୍ଦ୍ରର ଦକ୍ଷିଣ ମେରୁରେ ସଫ୍ଟ ଲ୍ୟାଣ୍ଡିଂ କରିପାରିନାହାନ୍ତି । ଏପରି କରି ଭାରତ ଏକ ଇତିହାସ ରଚିଥିଲା ।  

ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ କେବଳ ସଫ୍ଟ ଲ୍ୟାଣ୍ଡିଂ କରିନି ବରଂ ଜଣେ ବ୍ୟକ୍ତିଙ୍କୁ କରିଦେଇଛି କୋଟିପତି । ଏହି ବ୍ୟକ୍ତି ଜଣକ ମହିଶୂରର ବାସିନ୍ଦା । ନାଁ ହେଉଛି ରମେଶ କୁହ୍ନିକନ୍ନନ । ସେ କାୟନ୍ସ ଟେକ୍ନୋଲଜି ଇଣ୍ଡିଆର ସଂସ୍ଥାପକ । ବାସ୍ତବରେ କାୟନ୍ସ ଟେକ୍ନୋଲଜି ଚନ୍ଦ୍ରଯାନ-୩ର ଲ୍ୟାଣ୍ଡର ଓ ରୋଭରକୁ ବିଦ୍ୟୁତ୍‌ ଯୋଗାଉଥିଲେ ଏବଂ ଇଲେକ୍ଟ୍ରନିକ ସିଷ୍ଟମର ସପ୍ଲାଇ କରୁଥିଲା ତାଙ୍କ କମ୍ପାନୀ ।

୬୦ ବର୍ଷିୟ ରମେଶ କୁହ୍ନିକନ୍ନନ ଚନ୍ଦ୍ରଯାନ-୩ର ରୋଭର ଓ ଲ୍ୟାଣ୍ଡର ଉଭୟକୁ ବିଦ୍ୟୁତ୍‌ ଦେବା ପାଇଁ ବ୍ୟବହାର କରାଯାଉ ଥିବା ଇଲେକ୍ଟ୍ରନିକ ସିଷ୍ଟମର ସପ୍ଲାଇ କରିଥିଲେ। ଚନ୍ଦ୍ରଯାନ-୩ର ସଫଳତା ପରେ ବମ୍ୱେ ଷ୍ଟକ୍‌ ଏକ୍ସଚେଞ୍ଜରେ ତାଙ୍କ କମ୍ପାନୀର ସେୟାରର ଦାମ୍‌ରେ ୩ଗୁଣା ବୃଦ୍ଧି ଦେଖିବାକୁ ମିଳୁଛି । ତାଙ୍କ କମ୍ପାନୀର ସେୟାର ଏବେ ୪୦ ପ୍ରତିଶତ ଉପରେ ।

ଫୋବର୍ସର ରିପୋର୍ଟ ଅନୁସାରେ , କୁହ୍ନିକନ୍ନନଙ୍କର କମ୍ପାନୀରେ ୬୪ ପ୍ରତିଶତ ସେୟାର ରହିଛି । ତାଙ୍କର ନେଟୱର୍ଥ ବଢି ୧.୧ ବିଲିୟନ ଡଲାର ହୋଇଯାଇଛି । ତାଙ୍କ କମ୍ପାନୀ କେଟିଆଇ ସର୍କିଟ୍‌ ବୋର୍ଡ୍ସର ନିର୍ମାଣ ଓ  ଆସେମ୍ୱଲିଂର କାମ କରିଥାଏ।କେଟିଆଇ ଦ୍ୱାରା ନିର୍ମିତ ସର୍କିଟ୍‌ ବୋର୍ଡର ବ୍ୟବହାର ବିଭିନ୍ନ ଉଦ୍ୟୋଗରେ କରାଯାଉଛି । ଯେମିତି କି ଅଟୋମୋଟିଭ , ଏୟରୋସ୍ପେସ୍‌, ଚିକିତ୍ସା, ପ୍ରତିରକ୍ଷା ଆଦିରେ କରାଯାଇଥାଏ ।

ଖବର ଅନୁଯାୟୀ, ୧୯୮୮ରେ କୁହ୍ନିକନ୍ନନ ଏହି କମ୍ପାନୀର ଆରମ୍ଭ କରିଥିଲେ । କେଟିଆଇ ଇଲେକ୍ଟ୍ରନିକ୍ସର କଣ୍ଟ୍ରାକ୍ଟ ପ୍ରଡକ୍ସନ କରିବା ରୂପେ ଆରମ୍ଭ କରିଥିଲେ । ୧୯୯୬ରେ ରମେଶ ଓ ତାଙ୍କର ପତ୍ନୀ ସବିତା ମିଶି ଏହାକୁ ବଡ଼ ସ୍ତରରେ ବିକଶିତ କରିଥିଲେ । ଏବେ ଏହି କମ୍ପାନୀର ଗ୍ରୋଥ୍ ଦିନକୁ ଦିନ ବଢିବାରେ ଲାଗିଛି ।

You Can Read:

   Related Posts