ଭଦ୍ରକ ୧୭।୦୪ : ଐତିହାସିକ ଶ୍ରୀରାମ ନବମୀ ଅବସରରେ ଭଦ୍ରକ ଜିଲ୍ଲାରେ ଆଜି ବିଶାଳ ଶୋଭଯାତ୍ରା । ଭଦ୍ରକ ସହରର ନେହେରୁ ଷ୍ଟାଡିୟମରୁ ଏହି ଶୋଭଯାତ୍ରା ଅପରାହ୍ନରେ ବାହାରି ସହର ମଧ୍ୟ ଦେଇ ୧୨ କିଲୋମିଟର ପରିକ୍ରମା କରିବ । ଏହାପରେ ଜିଲ୍ଲାର ବିଭିନ୍ନ ସ୍ଥାନରୁ ୧୦୦ରୁ ଅଧିକ ମେଢ଼ ଯୋଗଦେବେ ।
ସେପଟେ ପୋଲିସ ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଶୋଭାଯାତ୍ରାରେ ଆଇଜି, ଏସପି, ୪ ଜଣ ଏଏସପି, ୨୨ ଜଣ ଡିଏସପି, ୨୯ ଇନ୍ସପେକ୍ଟର, ୪୦ରୁ ଅଧିକ ଏଏସଆଇ ଓ ୩୭ ପ୍ଲାଟୁନ ଫୋର୍ସ ନିୟୋଜିତ ହୋଇଛନ୍ତି । ଗୋଟିଏ କଂପାନୀ ବିଏସଏଫ ଓ ସିଆରପିଏଫ ମୃତୟନ ହୋଇଛନ୍ତି ।
ସେହିପରି ସହରରେ ବିଭିନ୍ନ ସ୍ଥାନରେ ୭୬ରୁ ଅଧିକ ସିସିଟିଭିର ଵ୍ୟବସ୍ଥା ହୋଇଛି । ନଗର ସଂକୀର୍ତ୍ତନ ସମୟରେ ପୋଲିସ ପକ୍ଷରୁ ୮ଟି ଡ୍ରୋନ କ୍ୟାମେରା ସହ କଣ୍ଟ୍ରୋଲ ରୁମରୁ ପୋଲିସ ନଜର ରଖିବ। ପୋଲିସ ପକ୍ଷରୁ ଭଦ୍ରକବାସୀଙ୍କୁ ଶାନ୍ତି ଶୃଙ୍ଖଳାର ସହ ରାମନବମୀ ପାଳିବା ପାଇଁ ନିବେଦନ କରାଯାଇଛି । ଏହି ବର୍ଷ ସିସିଟିଭି ସର୍ଭିଲାନ୍ସ ଆରମ୍ଭ ହୋଇଛି ।