ମୁମ୍ବାଇ ୨୮।୦୨; ସାଉଥ୍ ସୁପରଷ୍ଟାର ରାମଚରଣ । ନିଜ ଆକ୍ଟି ଯୋଗୁଁ ସେ ପୁରା ଫେମସ୍ । ଫିଲ୍ମରେ ତାଙ୍କର ଗୋଟିଏ ଝଲକ ପାଇଁ ଚାହିଁ ରହିଥାନ୍ତି ଫ୍ୟାନ୍ । ଆକ୍ଟିଙ୍ଗ୍ ବ୍ୟତୀତ ଧନୀରେ ମଧ୍ୟ ଅନେକ କଳାକାରଙ୍କୁ ଦେଇଥାନ୍ତି ମାତ୍ । ରାମ ଚରଣଙ୍କ ପରିବାରକୁ ହାଇଦ୍ରାବାଦର ସବୁଠାରୁ ଧନୀ ବ୍ୟକ୍ତିଙ୍କ ଲିଷ୍ଟରେ ସାମିଲ କରାଯାଇଥାଏ । ତାଙ୍କର ନିଟ୍ ମୂଲ୍ୟ ପ୍ରାୟ 1300 କୋଟି । ରାମଚରଣ ହାଇଦ୍ରାବାଦର ଜୁବୁଲି ହିଲ୍ସର ପ୍ରାଇମ୍ ଲୋକେଶନର ଏକ ଆଲିଶାନ ବଙ୍ଗଳାରେ ରୁହନ୍ତି । ଯାହାର ଦାମ୍ ୩୮ କୋଟି । 

ଆକ୍ଟିଙ୍ଗ୍ ବ୍ୟତିତ କାରର ସଉକ୍ ରଖନ୍ତି ଅଭିନେତା । ତାଙ୍କ ପାଖରେ ରହିଛି ଅନେକ ଲକଜୁରୀ କାର ।  ଏହି ଲିଷ୍ଟରେ ରହିଛି ରୋଲ୍ସ ରୋଏସ୍ ଫାଣ୍ଟମ୍ ପରି ଏକ ଲକ୍ସଜୁରୀ କାର । ଯାହାର ଦାମ୍ ସାତ କୋଟି । ଏହା ବ୍ୟତୀତ ଅଭିନେତାଙ୍କର ତିନି କୋଟି ଆଷ୍ଟନ୍ ମାର୍ଟିନ୍ V8 କାର୍ ମଧ୍ୟ ଅଛି । କୁହାଯାଉଛି କି ଏହା ତାଙ୍କୁ ମ୍ୟାରେଜ ଆନିଭର୍ସରୀରେ ଶୁଶୁର ଘରୁ ମିଳିଥିଲା ଗିଫ୍ଟ । ଏଥିସହିତ ସେ ଏକ ରେଞ୍ଜ ରୋଭରର ମାଲିକ ମଧ୍ୟ ଅଟନ୍ତି । କାର ସହିତ ଘଣ୍ଟାର ସଉକ୍ ରଖନ୍ତି ରାମଚରଣ । ତାଙ୍କ ପାଖରେ ରହିଛି ୩୦ଟି ଦାମୀ ଘଣ୍ଟାର କଲେକ୍ସନ୍ । ସେ ଥରେ ନାଟିଲସ୍ ବ୍ରାଣ୍ଡର ପାଟେକ୍ ଫିଲିପ୍ ୱାଚ୍ ପିନ୍ଧିଥିବାର ନଜର ଆସିଥିଲେ । ଯାହାର ମୂଲ୍ୟ 80 ଲକ୍ଷ ଟଙ୍କା ।

ରାମଚରଣ ଜଣେ ଭଲ ଆକ୍ଟର ହିଁ ନୁହନ୍ତି, ଜଣେ ସଫଳ ବିଜନେସ୍ ମ୍ୟାନ୍ ମଧ୍ୟ । ଟ୍ରୁଜେଟ୍ ଏୟାରଲାଇନ୍ସ କମ୍ପାନୀର ଚେୟାରମ୍ୟାନ୍ ଅଟନ୍ତି ରାମଚରଣ । ଏହି କମ୍ପାନୀରେ ବିନିଯୋଗ କରିଛନ୍ତି 127 କୋଟି ଟଙ୍କା । ଫିଲ୍ମ ପ୍ରମୋସନ ପାଇଁ ରାମ ଚରଣ ନିଜର ପର୍ସନାଲ୍ ଜେଟ୍ ବ୍ୟବହାର କରିଥାନ୍ତି । ସ୍ୱାସ୍ଥ୍ୟ କ୍ଷେତ୍ରରେ ମଧ୍ୟ ଏହି ଅଭିନେତାଙ୍କର ରହିଛି ଯୋଗଦାନ । ତାଙ୍କ ପତ୍ନୀ ଉପସାନା କୋନିଡେଲା ଆପୋଲୋ ଲାଇଫର ଚେୟାରମ୍ୟାନ୍ ଅଟନ୍ତି । ଏଥିରେ ରାମ ଚରଣ ମଧ୍ୟ ଅଂଶୀଦାର ଅଛନ୍ତି ।

ଏତଦବ୍ୟତୀତ ରାମ ଚରଣ ଏକ ପ୍ରଡକ୍ସନ କମ୍ପାନୀର ମାଲିକ ଅଟନ୍ତି । ହାଇଦ୍ରାବାଦରେ ରହିଥିବା ଏହି ପ୍ରଡକ୍ସନ୍ ହାଉସର ବ୍ୟାନରରେ ନିର୍ମିତ ହୋଇଛି କଏଦୀ ନମ୍ବର 150, ସାଇରା ନରସିଂହ ରେଡ୍ଡୀ ଏବଂ ଆଚାର୍ଯ୍ୟ ଭଳି ଫିଲ୍ମ । ତେବେ ରାମ ଚରଣ ଗୋଟିଏ ଫିଲ୍ମ ପାଇଁ ଚାର୍ଜ କରନ୍ତି ପ୍ରାୟ 12 କୋଟି ଟଙ୍କା ।