ମୁମ୍ଵାଇ ୧୭।୧୨: ବଲିଉଡ ଅଭିନେତ୍ରୀ ରକୁଲ ପ୍ରୀତ ସିଂ। ବର୍ତ୍ତମାନ ତାଙ୍କ ବିଷୟରେ ବଡ ଖବର ଆସିଛି। ଗଣମାଧ୍ୟମର ରିପୋର୍ଟ ଅନୁଯାୟୀ, ଡ୍ରଗ୍ସ ଏବଂ ମନି ଲଣ୍ଡରିଂ ମାମଲାରେ ପଚରାଉଚରା ପାଇଁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ଅଭିନେତ୍ରୀ ରକୁଲ ପ୍ରୀତ ସିଂଙ୍କୁ ଡକାଇଛନ୍ତି। ଏଭଳି ପରିସ୍ଥିତିରେ, ଇଡି ୧୯ ଡିସେମ୍ବରରେ ରକୁଲ ପ୍ରୀତ ସିଂଙ୍କୁ ପଚରାଉଚରା କରିବ। ଏହି ପ୍ରସଙ୍ଗରେ ଇଡି ଅନେକ ଟଲିଉଡ ଫିଲ୍ମ ତାରକାଙ୍କୁ ପ୍ରଶ୍ନ କରିଛି।
ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ମାମଲା ୪ବର୍ଷ ପୁରୁଣା ଡ୍ରଗସ୍ ସହିତ ଜଡିତ । ଏହି ପରିପ୍ରେକ୍ଷୀରେ ଅନେକ ତାରକାଙ୍କୁ ଡକାଯାଇଥିଲା। କୁହାଯାଇଛି ଯେ ୨୦୧୭ମସିହାରେ ତେଲେଙ୍ଗାନା ଏକ୍ସାଇଜ୍ ବିଭାଗ ୩୦ ଲକ୍ଷ ଟଙ୍କା ମୂଲ୍ୟର ଡ୍ରଗ୍ସ ଜବତ କରିଛି। ଏବଂ ୧୨ ଜଣଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା।
ଯେତେବେଳେ ଇଡି ଏକ୍ସାଇଜ୍ ପରେ ଏହି ଘଟଣାର ଅନୁଧ୍ୟାନ କଲା, ସେତେବେଳେ ସେମାନେ ଟଙ୍କା ହେରଫେର କରିଥିବା ସନ୍ଦେହ କରିଥିଲେ। ଏହି ଦିଗରେ ଅନୁସନ୍ଧାନ ଆରମ୍ଭ ହୋଇଥିଲା ଏବଂ ଘଟଣାର ତଦନ୍ତ ପାଇଁ ରକୁଲଙ୍କ ସହ ଚର୍ମମେ କୌର, ତେଜା ମୁମେଥ ଖାନ, ରାଣା ଡଗଗୁବତୀ ଏବଂ ପୁରୀ ଜଗନ୍ନାଥଙ୍କୁ ଡକାଯାଇଛି।
