ଭଦ୍ରକ, ୨୪|୦୮: ସେବା ହିଁ ସଂଗଠନ । ରକ୍ତଦାନ ମହାପୁଣ୍ୟ ନାରା ନେଇ ବିଜେପି ଯୁବମୋର୍ଚ୍ଚା ତରଫରୁ ରକ୍ତଦାନ ଶିବିର ଆୟୋଜିତ ହୋଇଛି । ଭଦ୍ରକ ଜିଲ୍ଲା ଧାମନଗର ନିର୍ବାଚନମଣ୍ଡଳୀର ମୁକୁନ୍ଦଦେବ ମଣ୍ଡଳ ତରଫରୁ ଏକ ରକ୍ତଦାନ ଶିବିର ଆୟୋଜନ କରାଯାଇଛି ।
ଏହି ଶିବିରରେ ପ୍ରଧାନମନ୍ତ୍ରୀ ନାରେନ୍ଦ୍ର ମୋଦୀଙ୍କ ସେବା ହିଁ ସଂଗଠନ ଆବାହନ କ୍ରମେ ରକ୍ତଦାନ ଶିବିର ଆୟୋଜିତ ହୋଇଛି । ଏହି ରକ୍ତଦାନ ଶିବିରରେ ବହୁ ଅତିଥି ଯୋଗ ଦେଇଥିବା ବେଳେ ବିଜେପି ଯୁବମୋର୍ଚ୍ଚାର ରାଜ୍ୟ ସଂଯୋଜକ ସୂର୍ଯ୍ୟବଂଶୀ ସୁରଜ ଯୋଗ ଦେଇଛନ୍ତି ।
ରକ୍ତଦାନ ଶିବିରରେ ୭୫ ୟୁନିଟ ରକ୍ତ ସଂଗ୍ରହ ହୋଇଛି ।ତେବେ ଏହି ଶିବିର ଆଗକୁ ମଧ୍ୟ ବିଭିନ୍ନ ମଣ୍ଡଳ ରେ ଜାରି ରହିବ ବୋଲି ରାଜ୍ୟ ସଂଯୋଜକ କହିଛନ୍ତି ।
