ମୁମ୍ବାଇ ୦୮।୦୩ : ବଲିଉଡ଼ର ସୁପର ଷ୍ଟାର ଅମିତାଭ ବଚନ ଓ ରେଖାଙ୍କ  ଯୋଡି ଆଜି ବି ସୁପରହିଟ । ଲୋକେ କେବଳ ତାଙ୍କ ଚଳଚିତ୍ର ପାଇଁ ନୁହେ ବରଂ ତାଙ୍କ ଯୋଡିକୁ ନେଇ ଖୁବ ପାଗଳଥିଲେ ।  ଏଥିପାଇଁ ତାଙ୍କ ପ୍ରେମ କାହାଣୀ ଆଜି ବି ଚର୍ଚାରେ , ଏକ ସମୟରେ ଏମାନଙ୍କ ସିନେମାର କ୍ରେଜ଼ ଏମିତି ଥିଲା ଯେ ଲୋକେ ତାଙ୍କ ବିଷୟରେ ଜାଣିବାକୁ କିଛି ବି ମଉକା ହାତଛଡା କରୁନଥିଲେ ।

ଖବର ଅନୁଯାୟୀ, ରେଖା ଓ ଅମିତାଭ ଙ୍କ ପ୍ରେମ କାହାଣୀ ଖୁବ ଚର୍ଚିତ ଥିଲା ।  ଏମିତି ଚର୍ଚାର କାରଣ ଥିଲା ଥରେ ରେଖାଙ୍କୁ  କେହି ଯୁବକ ବାର ବାରମ୍ବାର ଅଶ୍ଳୀଳ ଭାଷାରେ ଗାଳିଗୁଲଜ କରିବାକୁ ଲାଗିଲା  । ସେଟ ପକ୍ଷରୁ ଉକ୍ତ ଯୁବକଙ୍କୁ ମନା କଲେ ବି ସେ ଶୁଣି ନଥିଲେ  । ଏଥିରେ ଅମିତାଭ ବଚନ ରାଗିଯାଇ ସେହି ଯୁବକଙ୍କୁ ପିଟିବାକୁ ଲାଗିଲେ  ।  ଏହି କାରଣରୁ  ଉଭୟଙ୍କ ଭିତରେ ପ୍ରେମ ଚାଲିଥିବା ନେଇ ଚର୍ଚା ଜୋର ଧରିବାକୁ ଲାଗିଲା । ସେହି ସମୟରେ ଅମିତାଭ ବିବାହିତ ଥିବା ବେଳେ ରେଖା ଅବିବାହିତା ଥିଲେ ।    ଉଭୟ ଷ୍ଟାର  ଏ ବିଷୟରେ କିଛି କହିନଥିଲେ ମଧ୍ୟ ଆଜିବି ଉଭୟଙ୍କ ମଧ୍ୟରେ ପ୍ରେମ ଥିବା ଫ୍ୟାନ୍ସ  ଭାବନ୍ତି  । ତେବେ ୟାଶୀର ଉସମାନଙ୍କ ଦ୍ଵାରା ଲିଖିତ  ରେଖା ଦ ଅନ ଟୋଲୋଡ଼  ଷ୍ଟୋରିରେ ଏ ବିଷୟରେ  ଉଲ୍ଲେଖ କରାଯାଇଛି ।

 ଏହି ଷ୍ଟାର ଯୋଡି ଅନେକ ହିଟ  ଫିଲ୍ମ ଦର୍ଶକଙ୍କୁ ଭେଟି ଦେଇଛନ୍ତି ।  ସେଗୁଡିକ ହେଲା ଦୋ ଅନଜାନ ,ଖୁନ ପଶିନା ,ଗଙ୍ଗା କି ସୌଂଗନ୍ଧ ,ମିଷ୍ଟ୍ର ନଟବରୱାଲା ,ସୁହାଗ ,ରାମ ବଳରାମ ,ସିଲ ସିଲା  ।  ଯାହା ଆଜିବି ଲୋକେ ଖୁବ ଆଗ୍ରହର ସହ ଦେଖିବାକୁ ପସନ୍ଦ କରନ୍ତି  ।  ଏହି ଚର୍ଚ୍ଚା ପରଠାରୁ ଉଭୟ ପରଦାରେ ଏକାଠି ନଜର ଆସିନାହାନ୍ତି ହେଲେ ଆଜି ବି ତାଙ୍କ ପ୍ରଶଂସକ ତାଙ୍କୁ ଏକାଠି ଦେଖିବାକୁ ଚାହିଁ ରହିଛନ୍ତି ।