scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପ୍ରସିଦ୍ଧ ଚଳଚ୍ଚିତ୍ର ନିର୍ଦ୍ଦେଶକ ରାଜୁ ମିଶ୍ରଙ୍କ ପରଲୋକ, ହୃଦଘାତରେ ଚାଲିଗଲା ପ୍ରାଣ

2/11/2020 at 1:24 PM

ଭୁବନେଶ୍ୱର ୦୨।୧୧: ଓଲିଉଡ ପାଇଁ ଆଉ ଏକ ଦୁଃଖଦ ଖବର । ପ୍ରଥମେ ବିଜୟ ମହାନ୍ତି, ପରେ ଅଜିତ ଦାସ ପରି ବରିଷ୍ଠ ଅଭିନେତାଙ୍କ ପରଲୋକ ହୋଇଥିଲା । ଏବେ ବରିଷ୍ଠ ନିର୍ଦ୍ଦେଶକ ରାଜୁ ମିଶ୍ରଙ୍କ ପରଲୋକ ହୋଇଯାଇଛି । ଆଜି ସକାଳ ସମୟରେ ଜଟଣୀସ୍ଥିତ ବାସଭବନରେ ବସିଥିବା ହଠାତ ତାଙ୍କୁ ହୃଦଘାତ ମାରିଥିଲା । ଯାହାଫଳରେ କି ତାଙ୍କର ପ୍ରାଣବାୟୁୂ ଉଡିଯାଇଥିଲା ।

ପ୍ରଖ୍ୟାତ ଚଳଚ୍ଚିତ୍ର ନିର୍ଦ୍ଦେଶକ ରାଜୁ ମିଶ୍ରଙ୍କ ପରଲୋକ । ୭୨ବର୍ଷ ବୟସରେ ରାଜୁ ମିଶ୍ରଙ୍କ ପରଲୋକ ହୋଇଛି । ଜଟଣୀ ସ୍ଥିତ ବାସଭାବନରେ ରାଜୁ ମିଶ୍ରଙ୍କ ପରଲୋକ ହୋଇଛି । ଘରେ ବସିଥିବା ବେଳେ ହୃଦଘାତରେ ପରଲୋକ ହୋଇଯାଇଛି । ତେବେ ରାଜୁ ମିଶ୍ର ବିୟୋଗରେ ପୁରା ଓଲିଉଡରେ ଶୋଖରେ ଛାୟା ଖେଳିଯାଇଛି ।

ଓଡିଆ ଫିଲ୍ମଜଗତରେ ଅନେକ ସୁପରହିଟ ଫିଲ୍ମର ନିର୍ଦ୍ଦେଶନ ଦେଇଛନ୍ତି ରାଜୁ ମିଶ୍ର । କେବଳ ଓଡିଆ ନୁହେଁ ଅନେକ ଭାଷାରେ ମଧ୍ୟ ଚଳଚ୍ଚିତ୍ର କରିଛନ୍ତି ରାଜୁ ମିଶ୍ର । ୨୦୧୨ ମସିହାରେ ରାଜୁ ମିଶ୍ରଙ୍କୁ ଜୟଦେବ ପୁରସ୍କାର ମିଳିଥିଲା । ମମତା ମାଗେ ଫୁଲ, ସତ ମିଛ, ସିଂହ ବାହିନୀ, ଜଗା ହାତରେ ପଘା, ପୁଅ ମୋର କଳା ଠାକୁର, ସାଗର ଗଙ୍ଗା, ପଥର ଖସୁଛି ବଡଦେଉଳ ଆଦି ଅନେକ ଫିଲ୍ମରେ ନିର୍ଦ୍ଦେଶନା ଦେଇଥିଲେ ।

ରାଜୁ ମିଶ୍ର ଏକାଧାରରେ ନିର୍ଦ୍ଦେଶନା ଓ ସିନେମାଟୋଗ୍ରାଫର ଭାବେ କାର୍ଯ୍ୟ ମଧ୍ୟ କରିଥାନ୍ତି । ପୁନେ ସ୍ଥିତ ଫିଲ୍ମ ଆଣ୍ଡ ଫିଲ୍ମ ଟେଲିଭିଜନ ଇନଷ୍ଟୁଚ୍ୟୁଟରୁ ଡିଗ୍ରୀ ହାସଲ କରିଥିଲେ । ବର୍ତ୍ତମାନର ଓଲିଉଡ ଜଗତର ଅନେକ ପ୍ରତିଷ୍ଠିତ କଳାକାରଙ୍କୁ ସିନେ ଜଗତକୁ ଆଣିବାରେ ନିର୍ଦ୍ଦେଶକ ରାଜୁ ମିଶ୍ରଙ୍କ ଭୂମିକା ରହିଛି । ବଦ୍‌ରାଗୀ କୁହାଯାଉଥିବା ରାଜୁ ମିଶ୍ର ବାସ୍ତବରେ ଥିଲେ ଜଣେ ସ୍ନେହୀ, ପରୋପକାରୀ ତଥା ସତ୍ ଚରିତ୍ରର ବ୍ୟକ୍ତିତ୍ୟ । ତାଙ୍କର ଅକସ୍ମାତ ବିୟୋଗରେ ସାରା ଓଲିଉଡ ଜଗତ ଆଜି ମର୍ମାହତ ।

   Related Posts